ازبکچه کتاب، چیچیکلردن دامله گن بال
یوز مثنوی (1)
11,01,2024
اوکتای اسلان قلمیدن (راه سوم)
آگاهلنتیریش!
«چیچیکلردن دامله گن بال» آتدن بو کتاب خدمتده.
بو کتاب یوز اثرلی بیر کتاب بۉلیب، یوره کدن آلیدیگن شعرلر بیلن قورشه لگن.
هر بیر شعرنینگ علیحده حکایه و فلسفه سی بار و هر بیر شعر اۉز روح و روانیگه مناسب بۉلگن وزن بیلن یره تیلگن.
تورک تیللرنینگ علیحده روح و روانی بار. بونینگ اوچون ازبکچه میزیگه شعر ایتیش، وزن و قافیه دن قره گنده، پارسچه دن علحیده دیر.
مېنیم شعرلریم بو حقیقت نی یانسیته دی و مېنیم شعرلریم کیف بېریب، کیف بیلن حکایه نی یانسیته دی.
اوکتای اسلانینگ قلمیدن (راه سوم)
ــــــــــــــــ
1
کۉنگلیمگه آتش توشدی یانر او یانر یانر
امید کۉنگلیمین یېمگی بۉلمسه قانر قانر
قۉللری آق یومیش یومیش قوقولی او ساچلری
مثلیکه سینه مگه اورگن اۉق بۉلیب ساچ اوچلری
اولیترگن بیر حالگه کېلدی او بیزیم محله گه
کۉریب کۉرمس اوریلدیم من او کېلگن افسانه گه
آیاغیگه زینت زردن زر بیچگن پاپوشلری
دالگه دالگه ساچلریدن اوریلدی خلق هوشلری
بیر رماندن اۉقیبیدیم مونده ی بیر پری لینی
عشق کتابگه یازیدی او،عشق اوچون تۉغری لینی
عشق اوچون توتیلیدی، او بېرگن دل باله گه
مثلیکه تکراری اېدی، او داستان محله گه
او خیالگه توشدیم هوشدن او قیز اوچون دالگه گه
او داستانگه رل اۉینب من، خیال بیچگن دالگه گه
دنیا توردی خیالیمده کېلدی او قیز یانیمگه
مثلیکه جنت اېشیگی آچیلدی او خانیمگه
قۉللریم نی آچدیم اونگه، کېلسین دېییب او پری!
تبسم له او لاف قۉیدی کیم بو دېب بو سرسری؟
بۉی بوکدیم هلال قیلیب، توکه ی دېب کدریمنی
بو همه سی رویا اېکن سۉکدیم من قدریمنی
2
بهار کبی اېسیب کېچدی مونچه سنه لر
نېچه کونلی عمریمدن ییغیلدی خاطره لر
بعضاً خوشلکنی کۉریب بعضاً درددن اوریلدیم
آقیب اۉتتی بو عمر توشونچه گه سوریلدیم
هر کونیم باشقه بۉلیب یشندی او درمانسیز
بعضاً کولدیم ییغله دیم هوش نی بېریب زمانسیز
بو عمر دولابیدن کۉپ شی ییتریب آلدیم
آلگنیم نی تۉپله سم اۉچ گز قوماشگه قالدیم
آقدیم من سوو بۉلیب دریا ایچیده یالغیز
معما نی هیچ بیلمه دیم کېته من بلکی ایزسیز
قنده ی اۉتتی بو عمر بیر دولابین اوچیدن
بیر نېچه خاطره دن باشقه یۉق ایچیدن
3
گپیرگین سېن گلم یوره گینینگ ایچیدن
یایلسین قوقولرینگ ساچلرینگنینگ اوچیدن
قارانغی بو کېچه ده اینسین سېنگه یولدوزلر
آیدینلیکنی یانسیتیب یره تسین عشقدن سۉزلر
بیر بهار سن قیشیمده اېسکن بیر یاندن بۉلیب
قوش مثالی قۉنگن سن جانگه بیر جانان بۉلیب
اېگیلگن عشق سینه مدن قوقو ساچکن بو بال گه
آیاق ایزیگه توشیب قربان دېگن بو حال گه
دالگه لنگن سینه مدن بیر حس عشققه یایلگن
عشق اینگن بو کېچه، جنت پری گه ایلگن
باش قۉیسم کۉکرکینگه قوقوینگنی ایچگه تارتیب
مهر سیپسنگ سینه نگدن عشققه مهرینگنی آرتیب
یا گپیرگین دلینگدن یا نازله نیب لب بېرگین
بو کېچه عشق کېچه سی عشق خلوتیگه کیرگین
4
هواده قار ایزی بار کۉکسیمده عشقدن بیر حس
کېلینگ آچینک کۉکسیمنی یار دېب ایقیرگن سېس
نی اونی، نی ـ ده مېنی سېومس کیمسه بو قدر
بو سېوگی نی بیلمه یدی بو آتش دور بو کدر
نور آچکن میخانه گه، عشق نازلی پروانه
بیلسه او عشق ساچه دی بۉلگن بو دل دېوانه
سیره مس بلبل عشقدن اگر گل یوز بېرمسه
تېنگریچه بۉلمس نگار اگر عشققه کیرمسه
اسم سیز بیر بوته من عشق باغچه ده کۉکریب
قوش بۉلیب قۉنسه دېیمن بو بوته نی دوست کۉریب
کۉنگلیم غریب اوزاقدن بیر هوس نی ساچه دی
او اۉز دنیاسی بیلن او اوچون گل آچه دی
5
بۉلگن سېن اوچون سېوگی نی ایچیمدن آتتیم
سېندن قالگن بهاریم نی خزانگه ساتتیم
بو اېدی می خواهله گنینگ تورمه ی اېندی کېت
خواهله گن یشمینگگه من سیز بۉلیب یېت
اېسکی صحفه دوره دن بلکه حسلر قالگن دیر
بو دل نینگ گوشه سیگه بلکه قالب تالگن دیر
جانلنمس عشقدن بیر حس مونچه وفاسیزلیکدن
اۉلدیردینگ سن یوره ک نی ظالم هواسیزلیکدن
اېندی قبت اۉیین نی باشقه صحنه یازمگین
ایکّی یوزلی خویینگدن جاندن درد نی قازمگین
جسمینگ مېنیم له بۉلسه روحینگ باشقه گه اوچگن
ساووق لیکنی یره تکن وفاسیزلیکنی بیچگن
6
ایقیرگن مېنی اوچیریم اوچیریم بۉلگن سودانگ
قاچماق حرام اېستیریلگن باشگه هوانگ
سیقیشکن بو حیاتگه گپیرسه زمان
بلکه بېرر اوچیریم سودانگدن دوران
عشق بۉلسه سوزیلیر دلگه یاتکن بیر هوس
حکم خداوند دور توشر بو دردگه هرکس
بیر کیرسم سۉزلرینگگه توشلرینگگه بیر نفس
ینگیدن توغیلسم بو عشقدن بو بس
یشهت مېنی کۉزلرینگده قۉلرینگده سېسسیز
ییغلتمه ساچلرینگنینگ قوقوسیگه نفسسیز
ایسته بهار ایسته حیات بۉله ی قۉلینگگه
چیقر مېنی بو خزاندن بهار یۉلینگگه
توشکن من اوچیریم اوچیریم بۉلگن سودانگگه
سوزیلگن بو یوره ک اېسگن هوانگگه
7
بیر گناه می عشق؟ کۉزلریمده حسرتینگ
آققن یاش کۉزلریمدن کۉزلریمده صورتینگ
سنسیز اۉتکن کېچه لردن توکیلگن یاش هر صبا
کېچ آنگله دیم خطام نی عفو بویورگین دوا
عشق دېگن بیر حیاتگه گناه کار بۉلیب ایندیم
گناه سیز زمانیمدن بو گناه بیلن سیندیم
کېچ آنگله دیم عفو بویور، ییغیلدی خاطره لر
یالغیز خطالریم بېرگن مېنگه یره لر
بیر بهار هواسی نی کاشکی یره تیب دۉنسنگ
گناه کار بو قوُل ینگگه قهردلینگدن اینسنگ
ایشانکه پیشیمان من دردسیز هیچ بیر زمان یۉق
اوزدیم سېنی اۉزیمدن سنسیز بو جانگه جان یۉق
8
سېندن بیر سېس کېلمه دی، سیندی کۉنگیلیم سېنگه
تویغولرنی بیلمه دینگ، درد بۉلدی خویینگ مېنگه
اۉپکه لی من بو عشققه، تیشله سم بۉینینگ نی من
الاوینگدن قاووریلدیم، بیلمه دینگ بو حال نی سن
بو چاره سیزلیک حالگه، توشتیم افسوسلر بیلن
گونش بیلیدیم سېنی، مینگ بیر هوسلر بیلن
هجر نی روا کۉریب، تشله دینگ سېن یالغیزگه
ساغینماغنی بیلمه دینگ، آتینگ سېن قوروق ایزگه
یۉق بۉلگنینگ یره تتی خزان یوزلیگنی مېنگه
بار بۉلگین دېب سزلی من، اېپ دعالریم سېنگه
سېندن بیر سېس کېلمه دی، سیندی کۉنگیلیم سېنگه
بیلمه دینگ تویغولرنی، درد بۉلدی خویینگ مېنگه
9
ینه خیالریم له، تولو تولو بیر آنده
ینه تویغولریم دیر، فرم پارچه زیانده
حسرتینگ دلگه توشکن، او دلیم یانگن او
بهارلی گونشیم، خزاندن قانگن او
آه بو دردلی باشیم، پیشمگن خام آشیم
نیره لرده سن ایتکین، خام باشیمگه یولداشیم
قیزغین کۉک یوزیگه، اۉخشه گن جگریم دیر
آی گونشیم سۉلیلگن، بو دردلی اگریم دیر
سوداگه بو دل ایلگن، غنچه سیدن چیچککه
سن سیزلیککه ایلگن، امیدسیزلیک یوره ککه
ینه تویغولریم له، فرم پارچه بیر حالده
نیره لرده سن یاریم، بو دردلی بو احوالده
10
تېگمه قیریلگن دلگه اخلاقینگدن درد ایکمه
سېنی سېوگن بو قلبگه بیر پارچه غم تیکمه
آنگله ماق بیر باقیش دیر بعضاً تیتره گن دلده
عشق باغچه سیدن کېلسه اېگیلگن بلبلده
بیر کیچیک بیر سۉز دېسنگ سېوه من سېنی
او اعلاج گه کم کۉردینگ ایزدینگ سېن مېنی
اینجه لیک بو یۉلگه اېستیره دی هوانی
قلبدن قلبگه یایره تیب عشقدن او صدانی
اېپ سېودیم سېوینچ لر له دل نی یۉلینگه قۉییب
ایزله دیم اېپ یۉلینگنی عشقدن بو یۉلگه کوییب
اونیتمه بو دردیم نی قویاش سیز بهاریمدن
ذاتاً بۉلگن من خزان غمیم کۉپ بو باریمدن
حیله یاپیب قۉل تېگمه قیریلگن بو قلبیمگه
اېپ قیردینگ سن قلبیم نی زهر آتمه لبیمگه
11
کۉزیمده حسرتینگ یوره کده یامغیر
یۉق سن یانیمده، کېلمه یدی مهر
هجرینگدن سوو بۉلدی یوره ک یامغیرلی
بیتیردیم امید نی یۉلیم کیرلی
بیر امید کۉرگندن اېگیلدیم سېنگه
ایلسین دېب سېوگیدن کېلسین دېب مېنگه
اۉینه دینگ اۉیین نی دلگه قان بېریب
کېلمدینگ سېوگیگه یالغانگه کیریب
ریا نی جانیمگه امید دېب سوردینگ
اۉیینگه تشله دینگ باشیمگه اوردینگ
ایچیمده کدردن بیلیلمسلیک بار
او آلگن او مېنی ایچدن دلیم تار
هوشسیز من ایچمه دن سن سیزلیکده
یولگن او دلیم نی بې ایزلیکده
آچتیم من اېپ قۉل نی تېنگری دېب سېنگه
اۉیندن باشقه نی بېرمدینگ مېنگه
بو اۉیین خنجری یوره ککه کیرگن
سن سیزلیک دردلریم درد باشگه بېرگن
12
بو دردلی قدرده چاره سیز قۉیمه مېنی
بیر دفعه توتیلدیم کۉپ سېودیم سېنی
هر درد کېلسه سېندن بو کۉنگیل یوتر
عشق اوچون بیر کولسنگ او مېنگه یېتر
کۉکسینگه ساریلیب قۉلینگنی توتماق
سېوگلیم دېییب قلبینگه اۉتماق
بو هوس ایچیمده، قان ییغله گن او
بو دردلر چاره سیز بۉلگن لیگی بو
ییغلهت سنگ کولدیریب عشق اوچون دېییب
بو یۉلگه عشق اوچون بیر کویلک کېییب
آسان دور عفو اېتماق هر بیر زمانده
عشق اوچون یامان نی هر بیر آنده
قۉیمه گین چاره سیز بو دل بیتر بو
عشق اوچون امیدگه کولسنگ یېتر بو
بیر کره توتیلدیم کۉپ سېودیم سېنی
قۉیمه گین بو دردگه ریحانیم مېنی
13
اوندن باشقه، نې قالدی؟ خاطره لردن باشقه
تیکن نی گل کۉرستتی گل دېییب عشققه
دامله دی کۉز یاشلریم اونینگ قۉلیدن
سیندی غریب بو قلبیم اونینگ یۉلیدن
اېندی توشمم او اوچون یالغانچی یۉلگه
عشق دېب اونینگ یۉلیگه او ظالم قۉلگه
دوداغلریگه هنر اېپ ایکّی لی اۉینه یدی
گاه بهار موسیمیدن گاه خزاندن اېله یدی
روا می هو یوره گیم مونده ی یۉلگه آتینگ سن
تیکن بۉلگن بیر گلگه آلیب مېنی قاتینگ سن
غم اېله دیم قۉلینگدن خزان بۉلگن تنیمگه
دېوانه لیگینگ بیلن او گلدن بدنیمگه
باشقه اوندن نې قالدی؟ بیر خاطره دن باشقه
کۉرمی سن حقیقت نی پیشمه دینگ سېن بو عشققه
14
دردگه توشدیم قاره کۉزلی عمر بۉییچه
سېنی سېودیم اېپ اوزاغدن هر کون کېچه
قوشلر کبی اېپ سیره دیم سېسسیز دلدن
اېپ بېریلدیم دردلی غمگه عشق دېگن یۉلدن
سېن اۉیله گین بو حالینگگه بو دل ایلیلگن
عاشق بۉلگن قاره کۉزلی دېوانه قیلگن
بیر رویا می یۉقسه گرچک بو حالیم خراب
سېن بیلمی سن بو جنونیم سېنگه کباب
قاعده قانون بیلمگن دل، عشققه او توشگن
مولام او دېب خام خیالدن غمده او پیشگن
هرکس کۉرسه بو حالیمدن دېوانه دېیدی
چاره یۉق که سېنگه ایتسم بو حال اۉیدی
قاره کۉزلی بیر کېلگین سن رویا بۉلسه ـ ده
تسکین تاپسین بو دل سېندن ریا بۉلسه ـ ده
15
ینه عشق قینه تکن دېوانه بۉلگن دل نی
سوریب سوریب آفتگه تشلگن بو قوُل نی
تیتره گن قۉل آیاق اینگن دل فرمانگه
اۉزله گن قوقوینگنی اېسگه آلیب زعفرانگه
ساچینگنینگ قوقوسیگه اېگیلگن بو دل
قربان دېب اۉز جانی نی بېرگن بو قوُل
ییغله تکن یاری بۉلسه قان توکمه ی می یوره ک؟
رحم کېلمسه یاردن غم ایکمه ی می یوره ک؟
توشکن او عاشق من دېب سووسیز چۉلگه
اۉره لگن اۉز ایچیگه یاریم دېب یۉلگه
قینه تکن سېنینگ عشقینگ دېوانه بۉلگن دل نی
خبرسیز سن بو دلدن بېرمه ی یۉل نی
16
آچ سینه مده سـودا یوکی ییللرچه سېنی اختردیم
دلدن هر پیت غزل بۉلدیم هر غزلدن سۉره شتیردیم
اۉتتیم یشیلدن سریققه عشق یۉلینگگه بېریلیب
اری اېدینگ چیچیک بۉلدیم چیچک بۉلیب تیریلیب
باغچم چیچک بال ایسته گن سېن اریدن حال ایسته گن
اخترگن یېریم قالمه دی حالیم اوچون بال ایسته گن
بو عشق اوچون اېگیلدیم من ایریب ایریب ریحان دېیب
دۉندیم قیشگه گلستاندن جانیم جانیم جانان دېیب
کېچه کندوز دلدن یاندیم کول بۉلدیم هر پیت زعفران
یانیب سېنگه کول بۉلدیم من ایریدیم بۉلمه ی ارغوان
17
غریب بیرقوش اېدی کۉنگیل اوچتی مېندن بو کۉنگیل
یاریم نینگ ساچلریگه قۉندی اېسکهب دېدی گل
یار دېدیم مېن سېنی یار، غریب کۉنگیل نی سوریب
قۉی سیره سین او عشقدن شیرین دوداغنی سۉریب
آلدینگ کۉنگیل باغچمدن مېنگه بېرمه ی سېن مېنی
کېلگین باغچمگه گلم، سېن گل اېسکه مېن سېنی
زیان بۉلیب اۉتمسین عشققه توشکن عمریمیز
قۉل قۉلگه کیریلیک بیز عشقلی بۉلسین یېریمیز
سووگه توشسه کولمس که امید توشسه یوزلردن
سیره مس بلبل دلدن یاش توشسه کۉزلردن
بۉلمسین قوروق سودا توشسین عشققه یۉلیمیز
آچیلسین بوشگه کېتمه ی عشققه توشکن گلیمیز
18
کمک قیلگین قۉیمه اوپسم اۉلیمیم نینگ لبیدن
امیدلرگه زهر بۉلمه سۉکمسین عشق قلبیدن
پرواسیز عشققه توشتیم بلیق کبی دینگیزگه
کمک قیلگین چیقر مېنی سوو اوستلی گۉزل ایزگه
ایچیمدن سزله یدی دل ساحلگه اورگن بیر توفان
کمک قیلگین قومسالیمگه عشقینگدن بۉلسین بیرنشان
ایزله گن دل دالگه دالگه شر عشقینگگه اینیب
کمک قیلگین بو حالیمگه عشق نینگ آتی گه مینیب
عاشق من بیر عاشق من نیردن باره ی یانینگگه؟
کمک قیلگین خزان بۉلدیم یاش توکیب خانینگگه
مېن سېنی من وسوسه دن دل ایچیمدن کۉرگن من
کمک قیلگین وسوسه دن یاش توکیب اخترگن من
ایلیلگن لیک بیر قوقودن عشق باغچه نگدن ایلگن او
کمک قیلگین سۉلمسین او، عشق دېگن تېنگری بو
بیر آیدینلی بیر کېچه نی لطف قیلگین اونورینگدن
کمک قیلگین اینسین بیرنور اوگۉزل کۉز حورینگدن
19
هر آقشام سۉلیلگن گل آچمگن یوزیم
یالغیز من ینه یالغیز نیرده سن ایکّی کۉزیم؟
جان ایچیمگه سیپیلگن اییریلیکنینگ آغریغی
آققن یاش کۉزلریمدن هر پیت کۉزگه ییغی
آلگین کېلیب اۉلدیرگین بودرد دن قوتوله ی من
اییریلیک اۉلیمدن بدتر بونی بیلگین سن
اونوتیم سېویلماغنی سن سیز دردلرگه توشیب
لطفاً مېنی اونوتمه گین درد سوویگه پیشیب
قان ییغله گن بیریوره ک عشق بۉلمسه کولرمی؟
امید یوزگه بۉلمسه خوشلیک اونگه بۉلر می؟
قره اې گل یوزیمگه هر آقشام سۉلگن یوزیم
یالغیز من ینه یالغیز نیرده سن ایکّی کۉزیم؟
20
کېتیینگ یامغیر له کېل بو حسرت بیتسین
آتش توشکن یوره کدن او آتش ییتسین
اوزاققه بۉلگنینگدن دردلی بۉلگن دل
قان بیلن بو یوره گیم هو گۉزل گل
سنسیز بۉلگن هر کونیم آغریمگه کېتکن
دردیم بیلن باش هوشیم باشیمدن ییتکن
قازیلگن بو یوره ککه او گۉزل کۉزلر
نېدن کېلمه یدی سېندن او شیرین سۉزلر
سقیشکن بو یوره ککه یامغیر کبی کېل
جانله سین خاطره لر هو گۉزل گل
21
قدریم کویسین یوزیمگه اۉلگینچه سېومسم سېنی
قان اورسین ایکّی کۉزیمگه اۉلگینچه سېومسم سېنی
یشه ماق یولدوزلرده سېنینگ له بۉلماق بیر تیله ی
یوره گیمدن یۉلینگگه سېن اوچون اۉلماق بیر تیله ی
سېویشماق بیر هنر دیر بیر قره سم کۉزینگگه
کۉکسیمده کی حسیمدن مهر سیپسم یوزینگگه
حق راحتی نی کۉرمه ی اگر عشققه اوچمسم
زهر کېلسه ـ ده سېندن شربت دېب مېن ایچمسم
هدفیم ارمانلرگه کۉک یولدوزلردن ایلسین
قاره بخت نی اۉلدیریب بیر نور سېندن کېلسین
اۉلسم ـ ده بو یۉلینگگه آی یوزلیم ینه سن سېن
جوان مرککه ایلسم ـ ده حور کۉزلیم ینه سن سېن
قدریم هیچ کولمسین اگر سېومسم سېنی
خوشلیکدن بخت تولمسین اگر سېومسم سېنی
22
آلمه دوداغلرینگگه موندن سۉنگره آتیم نی
قدر قنده ی یازسه ـ ده یازسین او حیاتیم نی
آتتیم سېنی قلبیمدن ماضیگه قریشتیردیم
سنسیزلیک بیر حیاتگه اۉزیم نی کیریشتیردیم
چېکسین باشقه نازینگنی سن یۉلیمنی قۉیبیرگین
سن او کۉنگیل اۉیینگگه باشقه سینی کویدیرگین
سېنینگ کۉنگیل اۉینگگه نی حضور بار نی راحت
تاش قلبلی یوره گینگده حضورسیزلی بیر حیات
مېنیم قلبیم تاش اېمس سزله گن سۉزلرینگدن
سېندن کېلگن جفادن غم یېگن دوزلرینگدن
اېندی یانیمده یۉق سن اۉلدی او خاطره لر
اۉیله مگین یشی من تازه دور یره لر
22
قنده ی اۉتتی خبرسیز او گۉزل ییللریمیز
بعضاً گۉزل و یامان خاطره یۉللریمیز
هر آنیدن قۉیگن من ایکسیکسیز خاطره گه
دوداغلریمگه توزی ماضیدن یره گه
گاهی کۉز یاشی بۉلدی گاهی لبگه بیر غزل
همه سی بۉلگینچه حیات بۉلیکن گۉزل
شو لحظه هم اېسیمگه قاره ساچلر توکیلگن
نازینگ بیلن سینمگه او عقلیمگه ایکیلگن
قنی او گۉزل کۉزلیم جنتلردن نوریم
چیچیکلی حیاتیمده او قوش مثالی حوریم
بیز که قوشلر مثالی کۉک یوزیگه اوچگن دېک
عشقنینگ آسمانیگه اوچیب شربت ایچگن دېک
من که حالا اولرنی اېسگه بېریب یشی من
سېن یۉق سن یانیمده غمگه کیریب یشی من
23
قارانغی آچیلگینچه، کولر دل گل کولگینچه
سررره دی یوز بو یۉلگه، دل گلسیز بۉلگینچه
ییغله گن کۉزلریم دور یالغیز یالغیز بیر یوزگه
جان تورگن جانان اوچون قره ی دېب گۉزل کۉزگه
سری سری ساچلرگه باقیلگن بۉلگن بو دل
عشق سنجی سیدن تولگن گۉزل گل اوچون بلبل
بیر غریب یۉلچی بۉلگن بو دل آلگن عذاب نی
هم ییغله گن هم کولگن عشق اوچون بۉلیب آب نی
بو گل گه بیر قره سه کیم توره دی غوغاسیز؟
قوقولی ساچلری نی بیر اېسکه سه دعوا سیز؟
اگر او گل تورتمسه بو دل دردسیز بۉلر می؟
عشق چۉلیگه توشکن او ـ اوسیز بو دل کولر می؟
24
بیر دفعه کۉردیک کۉریب اوپیشتیک
عشقدن قوقوی نی اوستگه سیپیشتیک
سیغمه دی دلگه او کون عشقیمیز
خوشلیگدن کېلگن دلگه ذوقیمیز
بیر کون می اېدی بېرگن دورانینگ؟
عشققه تشله گن او گل ریحانینگ؟
تۉیمه دن عشققه اَییردینگ بیزنی
کونگه سیغدیریب قۉیمه دینگ ایز نی
زمانسیز بۉلدی مونده ی اییریلک
اوستیمگه توشتی مونده ی بویوک یوک
نیمه بۉله دی یوزگه قره سنگ
آقیرگن یاش نی کۉزگه قره سنگ
قیریلدی هر شی کېلمه ی کېله جک
سۉکیلدی دلدن کولمه ی کوله جک
اۉیله دیم کېلگن هیچ زمان کېتمس
عشققه کویدیریب اومېندن ییتمس
او خیال بۉلدی کېلمه ی کېله جک
عشق یالغان بۉلدی اییریلیک گرچک
25
کۉزیمگه جانلنیر اۉتکن او ماضی
سېوگلیم نیرده دیر کېلمه دی اۉزی
گناه یم نې اېدی اییریلدیک بیردن
ماضی گه بېریلدیم او گۉزل سِردن
افکاریم بیریکدی سیخمس ایچیمگه
من ستم اېتسم آز دیر بیچیمگه
ایچ دنیام ویران یاشلی کۉزلریم
بو دردگه تشدیم دردلی سۉزلریم
بیر خیال توفان اېسگن باشیمگه
قیرگن او مېنی او بار یاشیمگه
اېندی امیدلر بیگانه بۉلگن
او حور گۉزلدن غم کېلیب تولگن
26
او گۉزل کۉزلرینگ له گپیر مېن له یار مېن له
سېنگه هرآن یقین من کۉکسیمده گی حس سېن له
مېن سېندن اوتالمه دیم باشقه سیگه کېتالمه دیم
ایسته مسنگ ـ ده قوُل نی بو عشقدن قیتالمه دیم
سۉلمگن بیر چېچیک سن بو قلبده بیر گرچک سن
سوسله بو دل نی عشق له عشق اوچون کېله جگ سن
بو دلگه الک سن کیردینگ خیاللرگه سن سوردینگ
دېوانه قیلدینگ مېنی هوشگه بو حال نی اوردینگ
بیر رویاگه توشگن من یۉلیم نی ییتیرگن من
ریحان اېسلی زعفران هر شی نی بیتیرگن من
بو دلگه سن بیر گل سن حیات اوچون سنبل سن
یا اۉلدیر یا قۉل له گین عشق اوچون بلبل سن
27
قلبده بیر یره سېن سن قنده ی قانّر آه بیلسنگ
اۉتمگن بو آغری سی عقلینگگه توتیب ایلسنگ
تورمس دنیا دۉنسین دنیا بو گناه سیلیلمس دیر
عشق آتشی عشق بۉلمسه بو یۉلده بیلیلمس دیر
سۉنگدیره مس کیمسه مېندن انتقامدن آتش نی
بیر قره سنگ کۉره سن سېن بو یۉلگه پیشگن آش نی
قاچسنگ بۉلمس خیانتدن یانیمده بۉلگن بو آتش
سۉزیم سېنگه سۉزیم دلگه اۉتمس کۉرسنگ سېن باش
نه بو زمان نه کېچمیش ده سېندن باشقه بۉلمه دی یار
قلب یره سی بۉلدینگ مېنگه سېندن باشقه کولمه دی یار
اۉلدیره مس گرچک بیر عشق سوریندیرسه ـ ده بو دنیاده
تا که سېندن بیر نور بۉلسه اۉلدیره مس بو سوداده
28
یانگن یېر یوره ک، اوچمه یدی آلاو
یاقتینگ آتش هرجایی، قۉلینگگه توشگن بو آو
بو حالیم تجربه دیر باید سېومه سم سېنی
تیلدن ایتسم یوره ک تورمس، آلگن سن گلم مېنی
بیر کره انسان اۉلسه ایشان که او یالغان دیر
مینگ کره اۉلدیردینگ سن بو حقیقت نشان دیر
بیر یانیم گللر آچگن یالغانچی بیر بهار ده
مثل یکه جنت نی کۉردم توشگنلیگیم بو بار ده
بو سېنینگ اثرینگ دیر عشق دېگن بو بلادن
تیل ایتسه یوره ک بیلمس کویدیم من بو سودادن
29
ایکّی قاشنینگ آراسی کۉزلرینینگ قاره سی
طبیب بیلن توه زلمس بو سودانینگ یاره سی
کېلمدی ظالم مېنگه کیرمه دی او قۉیینیمگه
بیر تیله گیم بار اوندن آتسین قۉل نی بۉینیمگه
جنت قوقولی یشم، بۉلمسه او جهنم
دنیا تار بۉلگن مېنگه کېلمسه بیلسین او غم
سودا اۉزی شیرین تات، بۉلمسه بۉلمس حیات
قوقو اوندن کېلمسه، او حیات رسوالی تات
روحیم نی اوپدیم اوندن عشق دېب خیاللریمدن
قوقوی سیگه اۉرگیله ی اوپدیم احواللریمدن
قۉیبیرمسین قۉلیم نی ترک اېتمسین یۉلیم نی
مېن که قربانی بۉله ی سیندیرمسین دلیم نی
30
قار توشکن تاغ اوستیگه درد توشکن جان ایچیگه
سېن ـ ده مېنی سېودینگ می؟ جان کېلگن جان اوچیگه
اوینگ نینگ اۉنگی دریا، دریا مثالی سودا
قره تکن سېنگه سودا بو سودا بیلسنگ دوا
ایکّی سودا بیر قلبده بۉلمس سوداسی بۉلمس
بویوک بۉلگن بیر تاغ نینگ ضعیف هواسی بۉلمس
لبینگ مېنگه کولسه ـ ده روح ینگ او پیت اوچکن او
ایکّی لی اۉیینلردن بو جان زهر ایچکن بو
دریا آققن قار ایریب بهار هواگه اۉتیب
ایسّیق ساووق بۉلمگین هر تور هوا نی توتیب
مېن که سېنی سېوگن من زعفرانیم دېگن من
روح نی بو یۉلگه قۉییب ارغوانیم دېگن من
تاش قلبدن تاش نی آتکین گل ایسلی مهر تاتکین
ایکّی کونلیک دنیا دور یشم گه عشق قاتکین
31
عالم ذوقدن ایچرکن مېنگه تورلی کدر بار
بیر ظالم نینگ قۉلیدن رسوا بۉلگن قدر بار
ایچیب ایچیب سرخوشلی بۉلماق نی مېن ایسترم
سیزیلیب بیر گوشه ده اۉلماق نی مېن ایسترم
بیر سودا گل یوزیدن خراب بیر حالگه توشدیم
بو حالم یشم اېمس خراب احوالگه توشدیم
تۉلدیرگین میخانه چی قدح نی سېن ینه ینه
بوکون ایچه جگیم بار بو دلیم یانه یانه
خواهله مم بو حالیمده هوشیم باشیمگه کېلسه
ایچه ی من میخانه چی بو حالگه خلقلر کولسه
دردلی من کدرلی من قدح گه باشیم نی قۉیدیم
ایچه ی من اۉلیم اوچون بو یۉلگه اېپ من کویدیم
32
اَیتینگلر او ظالمگه آره سره حال سۉرسین
بیر کېچه بو غریبگه یوره ک کوییب بویورسین
باش قۉییب توزه سیگه قره ی گۉزل کۉزیگه
قوقولهب او ایسی نی من حور دېیه ی من یوزیگه
ساچلری نینگ رنگیگه باغله ی مېن او کېچه نی
عشق حکایه یره تیب اۉپه ی او حکایه نی
بورام بورام ساچلرگه دلدن قوش نی سیره ته ی
او کېچه اوچون مخصوص عشق داستان نی یره ته ی
درد مېندن درمان اوندن اَیتینگلر حال نی سۉرسین
بو غریب بو مسکینگه بیر مرته او بویورسین
33
کۉزلرینگ، زهری نی قدح گه شراب قیلر می؟
آلیب ایچسم کۉزلردن نشه و مست ایلر می؟
بیر خیالگه توشدیم من شیطانلی عجیب حالگه
حس ایچیده بۉلگن من عجیب گۉزل احوالگه
بیر بویورسنگ بیر کېچه جنتلی گۉزل یېرگه
گۉزل کۉزگه قره تسنگ قوقو بېریب سِحِرگه
قیش نی بهار قیلمس می؟ زعفرانیم او کېچه
عشق یۉلیگه ایلمس می؟ ارغوانیم او کېچه
ریحان گل قار هوامگه آچیلگین قربان بۉله ی
ایسّیق عشق نی یره تیب گورجینگه مېن اۉله ی
گۉزل گۉزل روزگارینگ بهار هوا اېله سین
گللر نی آچیب قیشده عشققه بیزنی بېله سین
سېن تېنگریم سن بو عشققه عشقدن مېنی یره تینگ
یشمگه معنا بېریب مادی دن اېپ سیره تینگ
34
کولیشلرینگ توکیلگن، بو نی قورقینچ جهنم؟
باقیشلرینگ ساووریلگن وای وای، ییغله یدی سینه م
قنچه کېلسه درددینگدن، دردینگگه قربان بو جان
تېگسین دردلر جانیمگه، بو جانیم سېنگه قربان
اۉلیم بۉلسه او ظلم، یۉلینگدن عشق بیچدیم من
زهر بۉلسه ـ ده قدح گه، شراب قیلیب ایچدیم من
ایچیم ایچدن توکیلگن قانه گن دلم وای وای
بیر دېوانه عاشق من کۉرگین سېن گلم وای وای
35
کېتینگ سن یشمیمدن اېندی آنگلم قالمه دی
پنجره م قویاشیدن نوردن یاقتی آلمه دی
ساغیندیم من قوقینگ نی ساغیندیم بدنینگ نی
او ایسّیق نفسینگ نی تات بېرگن تنینگ نی
آلدینگ سن مطلوع لیکنی یانیمدن سېن اوچیردینگ
زهر دن جام شراب رحم قیلمه ی ایچیردینگ
صحبتینگ نی ساغیندیم کېلمه دینگ غمگه ایندیم
وفاسیز جمالینگدن اینیب اینیب اېپ سیندیم
او کوندن باشلهب بو کون کۉز یاشلریم آققن دیر
قاوریلگن قاره بختدن آققندن غم تاققن دیر
سېن کېتینگ او کون بکون بیر نفس یوز کولمه دی
ماضی مثالی بختدن بیر هوس گل تولمه دی
36
بیلگین که بو نفسیم کیسیلگن کبی بۉلگن
یۉق سن سېن یانیمده باشیم غملردن تولگن
من اۉزینگگه آلیشدیم قۉیبېرمگین بیر دانه م
جدالی آتشینگ له کویدیرمگین بیر دانه م
بیلگین که محتاج ده من بیر هوس مثالی
سېوماققه سېویلماققه بیر نفس مثالی
غنچه گلم آچیلسین هر صبا سېندن گلیم
باغیمده بیر گلم سن باقیشلر مېندن گلیم
آلیشماق قېین اېکن سېوماغدن گل سنبل
بغریم گه بیر یره بار گل گه سیره یدی بلبل
یۉق لیگینگدن بو سینه دردلی ییغله یدی دایم
یۉق لیگینگ زهر بۉلگن غملر اېله یدی دایم
عشقینگدن سرسری من بیر سرخوش کبی یورگن
عشق شرابدن قدح کوتر بیر بې هوش کبی تورگن
یۉق سن یانیمده بویور بو حیات سفیل بۉلگن
قۉیبېرمه بیر دانه گل کۉرگین حال ذلیل بۉلگن
37
کۉنگلم نینگ مرهمی سن کېل گلیم بیرم کېلسین
غریب دل نینگ محرمی بیر خوشلی سېندن ایلسین
آهو کۉزلی هلال قاشلی قره سن بو عشققه
کۉزلرینگنینگ نوری توشسین بو بۉلگن بو حققه
مرهم سیز بیر یره بۉلگن سینه مده قانلی یره
بیرم بۉلسین لطفینگ بیلن عشق ساچی نی لطفاً تره
بو دردیم نینگ درمانی سن کېل بوکون بیرم بۉلسین
ساچلرینگنینگ قوقولری دردیم نی جاندن یولسین
آچ گردندن بیاض تن نی قرهت یوزینگ نی قوُلگه
بو غریبگه بیرم کېلسین کولیمسه سین عشق یۉلگه
بیرم بۉلسین بیرم بۉلسین جان سېنگه قربان بۉلسین
کۉنگلیم نینگ سن سېن مرهمی زعفراندن بوعشق تولسین
38
باترکن افقدن بیر آقشام قویاشی
قۉیبیریب کېت بیدینگ خام قالدی آشی
اۉتتی مونچه ییللر کېلمه دینگ گلم
توشیردینگ غملرگه قره مه ی سېوگیلم
بیر قره باته دی هر آقشام قویاشی
خام قالگن عشقدن پیشمه گن آشی
عشقیمیز تیللرده کۉزیم یۉللرده
کیمسه سیز قالدیم من آلاولی کوللرده
مثلیکه بیر بولووت یشیرگن سېنی
قسمتدن اورگن دور تقدیریم مېنی
کۉزیمدن توکیلگن یاشلریم غملی
سن سیزلیک غم بېرگن بو کۉزلر نملی
39
آلیب کېتکین گۉنگلیمنی بهار کۉز قیپسه
سودا بهار کۉنگلیدن بیزگه گل سیپسه
ممکن می سېومه ماق آچیلسه گللر
کېلسه نازلی عشقدن سودالی ییللر
آچکین گۉزل کۉنگیلینگدن عشق پنجره نی
بویور اې عشق هواگه من عشقدن سیره نی
کېلسه عشقلی او موسم که دېسک بو بهار
دامله تیب شبنم مثالی عشق عطر گلزار
تامیرلریمده بهار بار اوینه تکن مېنی
چیچیک آچر کۉنگیل اگر عشق اوپسه سېنی
40
قوش مثالی بو بهارده تالیمگه قۉنسنگ
مثلیکه جنتدن پری یانیمگه اینسنگ
بیلگین که من بیر کۉریشده عاشقینگ بۉلدیم
تېنگریچه دېدیم اۉزینگنی قلبیمدن کولدیم
خواهله می من هیچ بیر کیشی قره سه سېنگه
بو عشق بارکن باشقه بیری یره سه سېنگه
قصور اگر که سېوماق دور بو بۉیین اینجه
یا اۉلدیرگین یا که کېلگین هر کونیم کېچه
سووسه گن سېوگی تولو دیر محبت گه کېل
قوُل بۉلگن من عاشق بۉلگن بو کمبخت نی بیل
41
قېین اۉتتی اۉتکن او قیش بهار مېنگه کېلمه دی
کۉپ بیکله دیم بهارنی من کوزدن نظر ایلمه دی
خبر بېرینگ او بهارگه کېلسین او کېلین بۉلیب
قیشدن بیققن بو دلگه او غنچه آغیز له کولیب
نامه یازینگ ایسّیق قویاش نور نی تشله سین
کولیمسه لهب بهار نی او یاییب ایشله سین
نازلی گوزل بهاردن او کېلمه دی هوا
سۉنگ بهارگه اوخشه گن من بېرمه دی دوا
42
آتش اوردی عمریم نی بو آتش کومیردن می؟
فلک نینگ بیر قوشی بار پنجه سی تیمیردن می؟
اینگن تومن اوستیمگه درد تشله گن جانیمگه
رحم نی ارزان بېرمه ی قوشکن زهر قانیمگه
عشققه اېگیلیب فلک بیر جانگه جانان دېدیم
او جانگه یاش نی تۉکیب جانیم نی قربان دېدیم
قۉیسین یۉلیگه توشه ی دردیگه درمان بۉله ی
عشق اوچون او جانانگه ایسته سه اونگه اۉله ی
بو دل عشققه کېتکن دیر جان اوچون جان بېرگن دیر
شو یېرده بیر غریب بار او اوچون گل تیرگن دیر
یا آلگین سېن جانیم نی یا بېرگین جانانیم نی
فلک سېنگه ایته من لطف قیلگین درمانیم نی
43
یۉلگه چیقتیم دۉنمی من مېن سېنی مېن کۉرمدن
گل یوزینگدن بو عشققه الهام آلیب سورمدن
عقلیمگه کېلدیکچه سن چیرایلی بولر یشم
نور تشله یدی کۉزیمگه ییته دی دلیمدن غم
قان قرمزی بو عشققه بېردینگ باغچه دن بیر گل
تام بیاض دور کندوزیم هر کېچه دن سنبل
باغچه عشقیم توت قۉلیم نی قۉیبیرمه بیر لطف بیلن
من سیز عشققه الفبا نی اویدیرمه بیر لطف بیلن
بیر یامغیر سن مېندن باشقه گه یاغمه گین سیزمگین
کۉز قره تکین بو قلبیم نی سېن اېزمه گین ایزمگین
گناه م عشق سه مېن جزامگه راضی من ارغوانم
بویور هر چه خواهله گنینگ نی قیلگین سن زعفرانیم
سۉیله بیرآز اوزه نسین بیر حکایه بۉلیب بیزدن
عشقدن بۉلسین آینده گه او بیر آیه او ایزدن
دشمن بۉلدیم اویقو لرگه سېن له حیات یشمدن
توت قۉلیم نی اۉرگین قدم سېن مېن له کۉز نمدن
یۉلگه چیقتیم دۉنمی من مېن سېنی مېن کۉرمدن
گل یوزینگدن بو عشققه الهام آلیب سورمدن
44
قۉللرینگ نی قۉیبیرمی من کۉک یوزی ییقیلسه ـ ده
سۉنگ نفس تاماغیمگه سېنینگ اوچون تیقیلسه ـ ده
آنت ایچدیک یۉلگه توشدیک عشق دېب بیزعشق اوچین
بو سوداگه یمین اېتیک چونکه بو عشق گرچک چین
کۉزلرینگنی قه ییرمه گین حسرتلری یاقمسین
قدیریمدن امانت سن یامان کۉزلر باقمسین
کېل کۉکسیمگه گل قوقولی گل یره تکن گل یاریم
بهار قیلسین خزانیم نی گل یره تکن گلزاریم
جهنمیم قره شینگ له جنت باغچه گه دۉنر
بو سودا دیر بو یوره گیم سېنینگ له گۉزل اۉینر
قۉیبیرمی من قۉللرینگ نی کۉک یوزی ییقیلسه ـ ده
تاماغیمنینگ بوغازیگه سۉنگ نفس تیقیلسه ـ ده
45
هۉل قیلگن او یامغیرلی کون آنگیمده
قیمتی یۉق باشقه بۉلسه چنگیمده
اسمیگه مُهر له دیم قلبیم نی
گۉزل اسمی هر پیت آلگن لبیم نی
بېره ی دېیمن سۉنگ نفس نی قۉلیگه
هر هوس نینگ گل قایناغی یۉلیگه
یوره گیمده عشق سنجی سی هر کېچه
بۉلدی کېچه کونلریم بۉلمه ی آقچه
منتظر من یۉلیگه یوره ک قۉییب
بیرکېلسین دېب انتظارلیکدن کوییب
46
کېچتیم سېندن تولیب قاره هوادن
نې حاللرگه توشتیم قاره سودادن
اوزاقلردن اۉپتیم گل نفس ینگ نی
خیاللردن ایسکه دیم گل ایس ینگ نی
مینگ ایستککه قرشی بیر سۉز بېرمه دینگ
کۉز ایلیب بو یوزگه قرهب کیرمه دینگ
تار بۉلدی هر یېرده نفس کولمه یدی
اېشیت ینه یېردن امید سۉلمه یدی
کۉز ایلمه دینگ کېلیب آباد قیلمه دینگ
بو غریب نی کۉزگه توتیب ایلمه دینگ
بیر بیلسنگ سن ییغلگن کۉز، نې حالده؟
اۉلیملی دیر اگر بۉلمسه بالده
بیقدیم سن سیزلیکدن سېسسیز هر دایم
ییغله دیم آقشاملرده دردگه قایم
اوپتیم اوزاقلردن عشق دېب ایس ینگ نی
بېرمدینگ یقیندن بیر نفس ینگ نی
اېندی کېچتیم سېندن بو عشق هوادن
چونکه قاره بۉلگن هوا سودادن
47
توشتیم یشیل کۉزینگگه یانگن من کېله سن دېب
وفاسیز چیقدینگ بختگه ایشاندیم بیله سن دېب
عشقینگ مېنی یاققن دور هرکس حالگه باققن دیر
سۉز بېریب یوز بېرمدینگ بو درد الم تاققن دیر
لاو بۉلگن آلاو سۉزینگ چقماق اورنگ هر کۉزینگ
عشققه جان نی یاققن او آلاو بېرگن هر سۉزینگ
هلهله لی اۉینه تینگ دلگه عشق نی یره تینگ
عشق دېب بلاگه قۉییب بلبل قیلیب سیره تینگ
سیره سه نیمه تاپر بو یۉلگه نیمه یاپر؟
وفاسیز چیققن یاردن بو دل نیمه نی تاپر؟
48
بیر گۉزل سېوبیدیم یاناقی غمزه
اۉخشیدی کولیشلری بیر گۉزل سۉزه
قیلدیلر یامانلیق نی اییردیلر بیزنی
قدرینگ دېب هو فلک قیردیلر بیزنی
اۉلدیرسه لر یوره ک نی بو سودا اۉلمس
قدریمدن بو سودا هرگز او سۉلمس
او بۉلمسه یشمده تات و توز یۉق دیر
آتینی قلبگه یازدیم بو قلبگه اۉق دیر
بلکه خبری یۉق دیر بو حال یاردن
خبرسیز قالدیم یاردن او گۉزل باردن
49
قۉللری نی چېکیب مېندن یاریم مېندن کېتر بۉلدی
هم او سېودی هم من سېویدیم لېکن مېندن ییتر بۉلدی
یار عشقیگه یانه یانه تاپگن اېدیم مېن بیر دانه
قره مه دی او بیر دانه بۉلدیم اونگه مېن دېوانه
نې اېله سم یوره گیم تار غم اوستیگه غملر بار
حسرت حوضیگه توشتیم کۉرمه دی او ظالم یار
ایلیلدی غم بو حسرتدن سفیللیگم قاره بختدن
حسرت سوو نی ایچتیردی بو دردلریم بو حسرتدن
نیمه دېیسن ایتکین اې بخت حالیم بۉلگن عجیب بیرسخت
چېکدی ظالم قۉللری نی بو حالیم بو قاره بیر بخت
50
قاشلری نینگ قاره سیگه قربان من آره سیگه
مرهم لی عشق اوندن کېلسین بو کۉنگیل نینگ یاره سیگه
نازیک بېلی گه قربان من تاتلی تیلیگه قربان من
بیر بوسه لبیدن بېرسین او لب گلیگه قربان من
قاشلری دور قاره قاره آچتی بغریمگه او یاره
باشقه طبیب نېگه ایسته ی؟ کېلسین یره مگه او چاره
او نازنین جانگه جان او بو جانیمگه او جانان او
عشق هوسگه توشکن دلگه نفس بېرگن او ریحان او
کپریکلری قاشگه تېگسه غمزه عاشقی گه سورسه
کباب بۉلر قره گن دل تبسم نی اگر اورسه
سودا دېگنگه اېگیلدیم روح نی بېریب دل نی ایلدیم
قربان بۉله ی مېن اۉزیگه عاشق بۉلیب مېن اېگیلدیم
51
اېسکرگن لباس گه اۉخشه یدی عاشق دلی
سۉکیلدیکدن سۉنگره تیکیلمه یدی کۉنگیلی
اگر که سېوسنگ یار نی کېچیلمس بۉلر
اوندن باشقه شرابلر ایچیلمس بۉلر
سېوگنیم اېمس دېب تۉکدینگ تیلینگدن
زهرلی سۉزینگنی بېردینگ دلینگدن
ایپکدن نازیک سېوگیلیم دېبیدیم
حیاتیم بۉییچه بیر گلیم دېبیدیم
وفا بوته باغینگگه ایکیلمس بۉلکن
فولاد کبی یوره گینگ بوکیلمس بۉلکن
سررگن نینگ دلی یاش توککن کۉزدن
کۉرمی سن بو غم نی ظالم سن بو یوزدن
دلینگ نی توپراق ساندیم او بیر تاش چیقتی
درد حالیمگه قره مه ی ظالم باش چیقتی
سۉکیلسه اېسکی لباس تیکیلمس بۉلیکن
تاش کۉنگلگه تخم آتسه ایکیلمس بۉلیکن
52
ایشان که ییغله مدیم الم لی من ساده چه
کۉزلریم ده کی یاشلر اوندن کېلر هر کېچه
الم لی بو حالیمگه ایچیمدن درد نی آلدیم
یا سېوماغنی بیلمه دیم یا سېویلماققه کېچ قالدیم
اېندی تیله گنیم گه سېوماق تیله سم بیله
خزاندن تومن چۉککن سېوگی اېله سم بیله
سۉلیلگن گل کبی من هیچ بهار یشه مدیم
خزان اۉتتی حیاتیم بهارگه پیشه مدیم
هیچ بیر گۉزللی بیر گل بوی بېریب تورمه دی
خزان بۉلگن باغیمدن بهار مېن له یورمه دی
اېندی اۉتتی حیاتیم سېویلماغنی کۉرمه دن
خزان بۉلگن عمریمگه بیر بهار سورمه دن
53
باله م اېشیت
باله م اېشیت ایته ی سېنگه سۉزیم نی
کۉز یومسم من تاپالمی سن اۉزیم نی
سېنگه ایته ی تۉغری یۉلگه یورو سن
دعام سېن له یوریب بیلسنگ آبرو سن
بیر آته گه نیمه دیر باله یوزی؟
ساغلی اخلاق بیلسنگ باله م او اۉزی
خداوندن امانت دیر تنده جان
بیر کون چیقر یۉلگه توشر او جانان
منت قیلمه سوو بېردیم دېب ایشینگ نی
یاش کۉزیمگه منت قیلمه بیشینگ نی
اجل توپراق مېنی آلسه اۉزیم نی
سۉنگره ایزلهب تاپالمی سن سوزیم نی
اېندی اجل مېنی سیلیگه پیشسه
ایتکن سۉزیم باله م یادینگه شیشسه
بیر کون خدا سېنگه عقلدن بېرسه
بو گپلریم عقل و قلبینگه کیرسه
بلکه ییغلر یوره ک کۉزینگ آته دېب
آته م کېتتی قه یېرده سن آنه دېب
آنه آته ایزیگه توشدیم دېیب
بو یوره ک نی غملرگه پیشدیم دېیب
یاش توکه سن اجل شربت نی ایچسم
بو دنیادن قوش بۉلیب سېندن اوچسم
باله م اېشیت ایته ی سېنگه سۉزیم نی
تاپالمی سن کوچیب کېتسم اۉزیم نی
غنیمت بیل بۉلگنیم نی سفره نگه
بو مرهم دېب سورتکین جان و یره نگه
اجل پیمان اگر آلسه اۉزیم نی
ییغله سنگ ـ ده تاپالمی سن یوزیم نی
ایته ی سېنگه قولاقلرینگ اېشیتسین
بو سۉزیم نی آلیب قلبینگگه بیتسین
تیریلکده غنیمت بیل اۉزیم نی
کوچیب کېتسم ایشیتمی سن سۉزیم نی
54
کېچه لر سایه سیده قیریق قدح مثالی من
سینیق مصباح کبی سنسیزلیک نینگ تالی من
سېورسنگ گۉزللی یار غیری او افسوسی بار
وفاسیز سۉزلرینگدن حسرت اېپ اوستیمگه یار
کېچه کېچ ساعتلرده ایچ قیریققه توشه من
خیالینگ آلر مېنی غم نی باشگه قوشه من
بیر قره گللر بیتسین تاتلی اۉتکن کونلر دېک
بخت قوشیم ینه قۉنسین تیله ک توتکن کونلر دېک
سېورسک حیات گۉزل هر کون زعفران اۉزه ل
بو حیات هنگامه نی کېل قیله ی لیک گۉزه ل
55
سېوگنیم نی آلدیلر قناتدیم نی قیردیلر
بیر گل مثالی سۉلدیم درد و غم نی بېردیلر
ایچیمده بیر آغری بار یانر او یانر یانر
علاج سیز بیر آغری او قانر او قانر قانر
سېوگیمدن بو یوره گیم یمین اېتکن کین اېتکن
بو حیات نینگ ظلمیدن مینگ بیر نصیحت بیتکن
ایکّی کونلیک دنیاده شیرین اچیق بار اېکن
حیات دېگن بو ظالم یامانلرگه یار اېکن
یخشی دېمه یدی یوره ک بو حیات نینگ ظلمی نی
عقلگه آنگ نی بېریب سۉره یدی او علمی نی
باقمنگلر کۉزلریمگه قان ییغله گن نرگسلر
قان ییغله گن نرگسدن آلاو آتش نفسلر
56
قۉیبیرمه قۉللریم نی قۉیبیرمه یالغیز مېنی
سۉنگ دفعه کۉره ی سینی او گۉزل کۉزلرینگنی
آرتیق سیره مس بۉلگن بلبللر پنجره مده
یالغیز خاطرنگ قالگن عشق دېگن بو یره مده
عشق نینگ عین گۉزلی نی خوشلی بېرگن حالینی
سېن له مېن یشه بیدیم، آه، او عشق نینگ بالینی
اوزاق زماندن سونگره دیدارینگ نصیب بۉلدی
بیر رحم اېله فقیرگه بلکه تقدیریم کولدی
سۉنگ دفعه کۉره ی سېنی او گۉزل کۉزلرینگنی
حسرتینگ اورگن مېنی اېشیته ی سۉزلرینگنی
57
عشقیم بهار دی امیدلر بار دی (اېدی)
سېن کېتینگ دېیه کونیم قارار دی
آه اۉتتی کونلر قالمه دی هوسلر
سنسیز بو یشمده تار بۉلدی نفسلر
سن بۉلمه دینگ یانیمده غم و درد له قیریلدیم
سنسیزلیک بو یشمده سنسیزغمگه بېریلدیم
ترک اېتینگ مېنی نېگه؟ قویبیریب کېتینگ نېگه؟
بهارده جهنم نی یشمیم اېتینگ نېگه؟
عشقیم بهار دی سېن له گلزار دی
سن بۉلمه گنینگده بختیم قارار دی
58
شو مېنیم ییغله گن کۉنگیل کولر اما او نې زمان؟
بهار ده ی گل دن او تولر، تولر اما او نې زمان؟
ایچیمده کی بیتمس آغری دوست بۉلگن اونینگ علاجی
بلبل گه قوقوسی کېلسه بۉلر حج دن او بیر حاجی
تیتره گن جان و یوره ک دیر اویغاغ اویقی پیتیمده
ساکنلشکن نفس یۉق دیر، بوت ـ بوتون بۉلگن اېتیمده
سررگن رنگ یوزیم دیر اویقیده قالگن بهاریم دیر
بۉلمه دی بیر لطف کېلسه پریشان بۉلگن باریم دیر
بیر چوچوک دامله گن عشقدن نفسیدن هواسیدن
که او اوزیک سلیمان دن سِحریدن اداسیدن
کۉزلری فسون یاغدیرر رنگیمگه رنگ یاغدیرر
افسوس گاهی تیر جنگ، سینمگه سنگ یاغدیرر
59
آقشام بۉلسه اۉلیمیم نی تیلی من
بو قدر نینگ قۉلیدن غم اېلی من
تقدیریمدن تات سیز اۉتتی حیاتیم
بختسیز بۉلدیم چوریدی تاتلی تاتیم
نفس آلسم بیله اُۉلی مثالی
امیدسیزلیک بو باشگه دیر شالی
توشکن سووگه قوروق یاپراق بو بختدن
دۉندیم قیش گه سریغ و آق بو تختدن
چاره سیز من بو قدر ظلم ایلسه
تقدیریمدن بختسیزلیک مېنگه کېلسه
بیر دم عیسا بیر نفس کېلمه دی حق
عیب که عمریم اوتتی رفیق سیز شفق
نې اېله ی اوسیز یاشیمدن چاره
هر کیمگه رنگ بېردی او رنگسیز من بېچاره
60
نې چیقر بختیمیزگه اییریلی کېلسه بیزگه
اۉیله مه بو حکایه قوروق یاپراق بیر ایزگه
مونده ی بیر قاره سودا قاره توپراقده بیتّر
کۉز یاشیم نینگ آنگله می بلبلدن دردنی ایتر
ییغله مه بۉلمه مظلوم اونینگ بو ظلمیدن دل
سانمه سین ایپک ساچگه بوکیلگن بۉیدن خجل
عشق چهره سی بیر اۉییه ایکّی قوشلی بیر اۉییه
بیلمسه ظالم او دیر زیبا بۉلسه ـ ده بیله
خوش بۉل ای دل که او، بیزگه او یار بۉلسه
نه بیز کویسه ی باشقه گه، باشقه گه بار بۉلسه
61
من بو عشقدن یاندیم عمریم اۉتاتتی
کونلریم ییللرگه دۉنگن باشیم نی درد توتاتی
بۉلالمه دیم سلیماندن بیر اوزیک
سِحرسیز من آنگسیز آنگیم تیریک
توشکنیب اوزاققه او کېلالمه دیم یۉلدن
اېشیتسه یار غزل بۉلگن قوُلدن
اۉلدیردی فرقت بېرمه ی دردسیز عشقدن
توتیشکن آتش من کۉرمه ی رفیق شفیقدن
بو قدر می کۉرماغیم ییللر سوردی
غم تقدیردن باش اوچیمگه توردی
خوش بۉلسین خلوتیم یار مېندن بۉلسه
نې اېله ی بو تقدیرگه انجمندن بۉلسه
روامی خدایا بۉلمگن حریمیمده وصالی
اهرمندن یایلدی اویمگه قالی
گیلیم سیز من بو عشققه تقدیریمدن
پیشمگن بیر نان بۉلدیم قیمتسیز خمیریمدن
62
امید دنیاسینده من یوریمن آدیم آدیم
کۉز یاشلرنینگ ایچینده زهر توشکن دردیم
اچّیق حیاتیم رمان اینجه لسنگ بو درمان
گل سانگن یۉللریمده تیکن بۉلگن سنگ یمان (یامان)
سازیم اومیزلریمده اېپ یوره گیم قیریق او
بوش چارچیور حیاتدن کۉنگلیم همیشه ضیق او
شو بیتمگن یۉللردن بهار ایسته سم ـ ده قیش
قیشگه ایلنگن حالدن بۉلگن کۉز یاشلریم شیش
دردلر ایکلندی باشگه زهر قۉیلدی آشگه
قاوریلدیم و تۉکیلدیم باشدن تېگدیم تاشگه
بو غربت یۉللرینده ساوریلدیم و تۉکیلدیم
کۉزلریم یاشلی بۉلدی غم بۉلیب سۉکیلدیم
63
ایتینگلر نیمه بار دیر دردلردن باشقه بیر شی
خواهله می من کېتسین او باشقه عشققه بۉلیب بعی
بیر دفعه هر انسانگه بیلسین بیر شانس کېله دی
بیلمسه او شانسی نی باش نی غم گه ایله دی
بو دنیا البت کولر بو قوُل گه بهار بۉلیب
شانسی نی البت ایلر حیات بیزگه ـ ده کولیب
سېویلماق اونگه بیر درد سېویب او کۉرسین بو نی
بو قوُل نینگ بو دردی نی باشیگه اورسین او نی
قۉبیرینگ کېتسین او گل آنگگه عقل سورمه ی گل
بو درد نی قدر بېرگن چاره سیز درد دن بلبل
قدریم ازل سیز دیر یازوسی گلدن ایز دیر
ازلدن دېب باقمه نگلر میوه دن بیز و سیز دیر
64
نې آنگله گن تاپیله دی، نې ـ ده بیر اووتیتکان
اونگه قنده ی توشدیم من، نې بیر قۉل نی توتیتکان
ظالمدن کۉپراق ظالم انصاف سیز انسانلردن
بو قدر می مرهم سیز؟ مرهم کېلمس یانلردن
قاپقاره کېچه لرده گپیردیم دردیم بیلن
ظلم نینگ سۉنگی یامان امیدسیز آدیم بیلن
بیر قوروق تال مثالی تیتره گن من شمالدن
آنگله مس فلک مېنی درد کېلدی وبالدن
نې اېله ی بو باشیمگه اشکریز بو کۉز یاشیمگه
اشوله سیز کویدیم من توز آتمه ی آشیمگه
تۉغری توز بیلدیم یۉلنی باقمه ی انسانلی چۉل نی
باشقه گه سوچ آته میز آنگگه اورمه ی اۉز قۉل نی
65
گپیر سن آه بیر دانه م نېگه سېسسیز بۉلگن سن؟
با حالینگ بیلن مېنی سېسسیز کارتال یولگن سن
یشیرمه گولگه سیدن سقله مه حس نی مېندن
مېن که گورجین سېنگه اۉپه ی حسینگنی سېندن
سېسسیز او کۉزلرینگدن معصوم بیر راز آقه دی
بیر دامله قۉی یوره ککه بۉلمسه غم تاقه دی
ساچگین نیمه بۉلسه ـ ده اېسکن حس نی اۉرته گه
اینان که یخشی بۉلر سن و من لی خسته گه
دل اوقیماق یانگلیش او گرچکسیز حادثه او
توکین کۉزلردن بېلگی بۉلمسه یالغیز درد بو
66
قیریلسین بو قۉللریم، نې ایشگه یره ر بولر؟
قاره حیات غم بیلن اېپ مېنی تره ر بولر؟
گینجلیگیم اۉتاتتی توتالمی من مېن اونی
یاردن کېلگن زهر نی یوتالمی من مېن اونی
تېنگریم مېنگه بېرگن او چرچه گن آیاغلرنی
یاریم اییریلسین دېیب یۉلگه قۉیگن تاغلرنی
قچان بیته دی تېنگریم بېریلگن مونچه عذاب
آیدین بۉلمگن کونلر کېلگن هر پیت اضطراب
لېکن که مېن یاقدیم من، دنیام نی اۉز قۉل بیلن
یاریم نی قۉلدن بېردیم کول بۉلگن یۉل بیلن
جهنمدن جنت نی قۉلگه آلالسم مېندن
باشقه گه باشنی قۉیسم جنت کېلر می سېندن؟
67
توتینگ قۉلیم نی گپیرمه نگ قلبدن یانستینگ
کولیمسه لهب عشق هوانی لبدن یانستینگ
عشققه توتساق بۉلگن دلیم یۉلینگیزده قوُل
قوُل بۉلگنیم آبرونگیز دیر بۉلگنیم یۉل
بیر زعفران گل ایسی او یانسیسین سیزدن
ارغوانلی بو عشق بۉلسین سیزدن و بیزدن
مېن که گوورجین بۉلگن من شاهین چنگال گه
موسیچه لی یوره گیمدن توشدیم خیال گه
ساحل دینگیزده تورگن من سوو یوزگه باقیب
قوپارگن دل نی او دینگیز عشق تاقی تاقیب
گپیرمنگ سیز نرگسلردن راز نی یانسیتینگ
کولیم سه لهب شیرین لبدن سینه گه آتینگ
68
عیسی نفس دم توشکن سۉزلریمگه
شب باده لی نم توشکن کۉزلریمگه
ساچلریم نی آچکن من توکسم سیزگه
یېتر که کېلسین عشق بیزگه
ایته ی لی بولوتگه یاغدیرسین یامغیر
قویاش نینگ یاقتیسی دېک عشقدن تولسین یېر
یوره گیمگه اېسکن گۉزل بیر هوا
عشق باغچه دن کېلگن بلبللی صدا
مېن فلک نینگ بو چرخیدن چیقه من
عشق اوچون ایسکی تاپو ییقه من
ساچلریم نی آچیب توکسم سیزگه
عشق باغچه دن سودا کېلسه بیزگه
من خانیم من بیلسه دنیا حق دن
بیلمه گن بیلمس رفیق و شفیق دن
خان لیگیم تېنگری سال دیر حیاتده
چون که من آنه من ایشیم تاتده
سیزگه توکتیم دلیمدن حق گپ نی
قلبینگیزگه یوباردیم توزه تکن سیپ نی
من عاشق من عشققه بیلسنگیز سودا
سیوسنگیز تزه چوکین عشقدن مېن هوا
69
آنگله ینگ سیز بیر تورلی، نې دردلریم بار مېنیم؟
بعضاً کۉنگیل خوش مېنیم، بعضاً سینه تار مېنیم
مېنگه دلدن سیز ایتینگ، یالغان ایتمه ی راس ایتینگ
سېومه سنگیز سیز مېنی حیاسیز مېنگه بیتینگ
یوره ک که کباب بۉلگن عشقدن گللرنی تیرگن
بیرخانیم من ایته من عشق قماردن یۉل بېرگن
دل نینگ آرمانیگه سیز بلبل مثالی اوچینگ
بو کنیزنینگ قۉلیدن عشقدن شراب نی ایچینگ
یوره ک که سیزگه توتساق عشق یۉلیگه بۉلگن تاغ
تېنگری گه قسم بۉلسین چیچیک لی گۉزل او باغ
راضی دل اگر کېلسه دردلریم سیزدن ایلسه
یېتر که مېندن بۉلینگ غم اگر سیزدن کېلسه
ایتینگ مېنگه یارمی سیز بوعشق اوچون بارمی سیز؟
بو کنیزنینگ عشقیگه گرچکدن بیر یار می سیز؟
بیر شمع نوردن مېنیم بو عشققه سماع مېنیم
چونکه من خانیم بۉلیب بیر کاخ ابداع مېنیم
70
آنگلتمه ی عشققه کېلینگ، بېلگی جادو نی ایلینگ
بو قلب که کباب بۉگن، بو قلب نی سیز شاد قیلینگ
بیر نور کېلسین اوزاغدن یایسین اۉزی نی ساغدن
یاریم بو دېب اۉرگیله ی، سیپسین او گل، گل باغدن
عشق نی مېن بیلمس اېدیم، هوش نی مېن ایلمس اېدیم
اگر سیز نی کۉرمسم، عشققه مېن کېلمس اېدیم
عشق نی بیلدیم مېن سیزدن، اۉپتیم روحیم نی ایزدن
ایز که عشق نینگ ایزی دیر، کۉردیم مېن گۉزل سیزدن
یوره ککه سیز خانیم سیز باله لرگه جانیم سیز
آنه لی وصفنگیزدن بو عالمگه خانیم سیز
71
کېتکنینگدن بېری روحیم زهر نی ایچتی
چاره سیز بۉلگن بو روح دردلردن غم سیچتی
اۉخشه مه یدی هر آغری بۉلمسلیگیدن کېلسه
چاره سیز گوورجین دېک کارتال قۉلیگه ایلسه
سورگین یامغیر سورگین قار ساووق بۉلگن تاغلرگه
بهار اۉلدی تقدیردن توشدیم قاره داغلرگه
نې اېله ی یالغیزلیککه سن سیز قاره کونلیککه
بۉلگن سودام قیش بۉلدی نې ایله ی بیش اۉنلیککه
پریشان من بو حالدن تومن لی من احوالدن
قدر یامان قسمتدن درد بېردی کېلگن حالدن
72
بیر گناه می عشق؟ کۉزلریمده حسرتی
آققن یاش کۉزلریمدن، کۉزلریمده صورتی
اوسیز اۉتکن کېچه لر تۉکن یاش هر صباده
قدر نی آنگله مه دیم چاره یۉق بو هواده
عشق دېگن بیر حیاتگه گناه کار بۉلیب ایندیم
بو گناه بیلن یوره ک ییغله یدی اوندن سیندیم
کېچ آنگله دیم بو دردنی ایلگن خاطره لر نی
یالغیز خطالر بیلن توشکن بو یره لر نی
بیر بهار هواسی نی کاشکی یره تسه قدر
گناه کار بو قوُلیگه تېنگری بېرسه ینگی در
73
ییقیلگن بیر یوره ک من دالگه دالگه دینگزگه
بېریلدیم آو مثالی توشگنیم قاره ایزگه
ساحلگه چیقالمه دیم دینگیز ایچیگه توشیب
دالگه سی اورگن مېنی قاره غمگه او پیشیب
بیر بلاگه اۉخشه گن قدر دېگن بو تقدیر
اویقوسیز یوره گیم دور بو تقدیر یامان بصیر
آلدی کېتتی بی انصاف بیر کره قره مه دی
فلک او ظالم بۉلیب قرهب او یره مه دی
یاقدیم خوجه عمر نی ظفرسیز بۉلیب هر آن
ظفرسیزلیک قدر می؟ کېلمه دی ظفرلی شان
74
تېگدی قنات سوداگه قۉندیم من اوچالمه دیم
عشق شراب دېیه دېیه عشقدن من ایچالمه دیم
توشدیم قاره سوداگه مصیبت بو هواگه
زندان اېکن بیلمه دیم بای بېردیم من سواگه
بو بیر خام خیال اېکن فانتزی بیر حال اېکن
آنگ نی عقلدن آلیب تات بېرمه گن بال اېکن
یانگن بولگن یوره گیم تیتره گن بو ملگیم
تات سیز بولیب قانه گن، قانه گن بو یوره گیم
طبیب بولسین یره گه سورتسین علاج سینه گه
عشق مرهم دېیه دېیه توشکنیم بو یره گه
ایلگنیم نازیک حالگه ساووریلر سخت احوالده
اوسیز روزگاریم یامان روزگاریم بالسیز حالده
ایچه من بو هوادن چاره سیز بو سودادن
عشق شراب دېیه دېیه یاندیم من بو هوادن
75
کۉزیمده حسرتی بار یوره ک یامغیرلی
یۉق او گلیم یانیمده بو حالیم کیرلی
فرقتتیدن سوو بۉلدی کویب یوره گیم
سۉلدی بو دل غمیدن نیرده ملگیم
امیدیم بیسله بیدی بو دلگه اونی
قدر اۉیینی می بو؟ عجیب دیر کونی
ریا می مونده ی یشم قه یېرده او چین؟
چنین یشم نینگ حقی بۉلسین چرکین
ایچتیم من اېپ زهر نی تېنگری دېب اوندن
یېدیم خنجرنی دلگه اېپ یامان کوندن
چاره سیز حالگه قالدیم کۉرمه یدی او گل
گل سیز بۉلگن کویردن ییغله یدی بلبل
76
آی دېک او گۉزل یوز نی کاشکی او یشیرمسه
بو قوُل نی کباب قیلگن باشقه اویگه کیرمسه
زرافشانلی یوزیدن نور اېله گن بو دلگه
بای لی او جمالیدن خجل بېرگن بلبلگه
گل نفس دل سیره یدی بو ایشیم حیاتیم دېب
هلال قیلگن بۉیین نی بو ایشیم اثباتیم دېب
گناه لی هر بیر قوُل گه تېنگری هم بیر قره یدی
قره مگن او ظالم باشقه گه او یره یدی
بو دنیا امتحانده هر بیر قوُل ایری یورگن
اوسیز بو قوُل بو یۉلگه چاره سیز ایری تورگن
77
او ظالم قیش قۉلیدن باشگه قار یاغدیردی او
رحم و وفا قیلمه دی حیات نی اغدیردی او
یاندیم یاندیم توتیشدیم بو سوداگه آتش له
یانسین او مېنیم کبی پیشمه گن بیر خام آش له
کېلمه طبیب درمانسیز درد دېسنگ بو قانونسیز
ظلیمدن علاجیم یۉق بیلسنگ یوره گیم شانسیز
کونینگ هر لحظه سینده یار دېب دل اختره دی
قیش گه اۉخشه گن او یار ساووقیدن بېره دی
غریب قالگن بو دل دیر سووسیز چولده بې یۉل دیر
عجایب سِحری بار قیش کېلتیرگن او دول دیر
78
قاره دیر یار قاشلری عشقدن فرمان یازدیرگن
بو قوُل بۉلگن فقیرگه عشقدن قدر قازدیرگن
یره دیر کوکره کده دل طبیب درمان سیز او
یار کېلمسه بۉلگن او دردیم آمان سیز او
آقشاملرنینگ قویاشی باشیمگه الهام اورگن
نازلی یاردن بیر خیال هر پیت قرشیمگه تورگن
آه حیات ظالم حیات اُۉلیم بو قدر گه بار
ظلم بیلن بو اُۉلیم تقدیر و کدر گه بار
نه ییغلی من کوله من بو تقدیردن قدرگه
نه حالیم نی بیله من نې ایله ی بو کدرگه؟
79
ایته دیلر دېوانه سن هیچ بو قدر سېویله می؟
ارزیمگن بیری اوچون بو قدر غم ییېله می؟
بیر آتشگه آتینگ مېنی آلاو آلاو یاقتینگ مېنی
ارزشسیزمی مېنیم عشقیم یالغان قیلیب قاقتینگ مېنی
دوست اوزیلیب دشمن کولر مونده ی دردگه الم ایلر
بیلسه اېدیم سېویدیم می قۉلینگدن اېپ زهر کېلر
آرزوم دینگ تیله یم دینگ کۉزلریمده کۉز نوریم دینگ
یالغان بۉلدی سېندن هر شی بو کونگچه سېن حوریم دینگ
یوره کینگدن آتکنمیش سن یالغانلرگه ساتکنمیش سن
یالغان کۉریب ماضی میزنی اېپ دردلرگه قاتکنمیش سن
بو یازگنیم سۉنگ یازیم دیر یوره گیمدن بو نازیم دیر
قۉیبیردیم اېندی مېن سېنی کۉپلیگیمدن بو آزیم دیر
80
ایچیم قان ییغله گن دوستلر کۉزلریم یاش توککن
اېندی که اییریلیک بار قۉیینگ یوره ک تۉکسین بوکون
درد و الم غم نی بېرگن قاووریلگن بو یوره ککه
امیدسیز بو، چاره سیز بو، یالغیز تۉکسین بو کوکره ککه
عذابده دیر یوره ک کین له کېلگن روزگار قېین له
قۉیبیرینگ یاشیم آقسین او ظالم تقواسیز دین له
بیتسین مېنگه تاتسیز بو تات بۉلگن روزگاریم برباد
قدر بیلن حسابیم بار قیلمه دی تقدیریم یاد
اېندی که امید بیتتی او ظالمدن ییتی
قۉیین که توکسین کۉزیم اوندن تجریه بیتی
مینگ نصیحتدن اولا دیر یشه نیلسه بو حیات
لحظه لری درس بېرگن دیر عقلیمگه بو هیهات
81
خیاللرنینگ پنجه سینده آتی قۉییلگن عشق تیلده
مېن که امکانسیزینگ اېدیم نیمه بۉلدی شمایلده؟
کلمه لر توکنمه یدی ایچیمده یشه گن درد بار
قیسی یالغان قیسی حقدن کېلگن الم ېپ بۉلگن یار
مجبور سن همچون من ایتکین تۉغری یا یالغان نی
سقله ماغنی اونور بیلدینگ ایتمه دینگ یخشی یامان نی
بو اییرلیک آقشامیده کۉزیاشلر له دنیا نی کۉر
بیلمی سن سېن سنسیزلیکنی غمدن کېلگن صدا نی کۉر
کېلگن عینی کېتکن عینی اېندی قۉییگین چاره سیز من
قیسی یالغان یا سبب او اگر کۉرسنگ درددن ایز من
82
کۉپ سېودیم اۉزله دیم کېچه گۉزه لیم
کېلسنگده کېتاله سن کېلگین اۉزه لیم
خزانینگ شمالیدن یاپراق توکېلسه
یشار می یالغیز توشکن یېرگه بوکیلسه؟
بۉلسه اېدیم بیر یامغیر بولوتدن توشسه اېدیم
کپریکلرنینگ اوستیگه توشیب قاووشسهم اېدیم
بۉلسم اېدی بیر شمال دره دن کېلسم اېدی
گۉزل قلب نینگ ایچینده کېلب من ایلسم اېدی
اېسدن چیقرمه ی مېنی بیر روزگار بۉلیب کېلگین
دنیا کۉرسین گۉزل نی دلینگدن رحم ایلگین
83
اوزدیم من کۉنگلیم نی اونی کولدیره مه دیم
بیر نیچه سعادتدن اونی تولدیره مه دیم
شو فانی بو دنیاده کېلمه دی مېنگه مراد
مرادیم نینگ یۉلیگه بۉلمه دیم یخشی استاد
کۉنگیل نینگ یره سیگه تاپالمه دیم مرهم نی
تقدیرنی سۉره شتیردیم کۉرمه دیم متهم نی
طلوع سیز بو کۉنگیل دیر سعادتسیز بیر حالده
گونش سیز تقدیریمدن قدرسیز بیر احوالده
اونی کولدیره مه دیم بو فانی بو حیاتده
چاره سیز من ییغلی من تقدیریم هیهاتده
84
سېوگلیم قره ینه شفق اویغنگن بوکون
باد صبا گللر گه کولیب او اینگن بوکون
کیم بیلر شفق وقتی قیسی بیر تویغوده سن
یا که گۉزل تات شیرین گۉزل بیر اویقوده سن
بلکه رویالرده سن ینگی بیر عشق هوا ده
ینه من اویقوسیز من اېسکی او عشق سودا ده
اۉزله دیم کولیشینگ نی اۉزله دیم من اېسینگ نی
هر صبا و هر آقشام اۉزله دیم من سېسینگ نی
دشقریده یامغیر بار کۉزلریمده یالغیز سن
اولتیرگن من خیالده چاره سیزلیک سېسسیز من
85
نازلی یاردن کېلدی مېنگه بیر خبر
تۉغری اگر که بۉلسه دنیام بیتر
اییرگنمیش او مېنی اۉزدن او ذات
اېله میش درد و غم نی بېرمه ی او تات
کبر اینسین اوندن او گلیم کېلسین
ایزمه ی قوُل نی تۉغری احوالگه ایلسین
صبر و طاقت اېله سین سحر یولدوز
بو قوُل گلگه قربان دیر بیلسین بو سۉز
بلکه حریفلر اۉیلر کېچتیم اوندن
کېچمه دیم بیلسین هرکیم من شگوندن
یار قۉلیدن زهر بولسه ـ ده ایچر
شراب دېیب او بېرسه مېنگه یېتر
86
دوست جمالینگ اۉخشه یدی او قویاشگه
آتشلی سودانی قۉیگن او باشگه
آیدین نوری اینسه سېندن اوستگه او
باقه مم مېنی کویدیرر او شیطان بو
کول قیله دی عاشق نی سېندن ضیا
عمرسیز گللر کبی اینگن صبا
قاشلرینگ بسم الله دیر نرگس دېسک اعلا
اوردینگ یوره ککه ظلم بو اوریش بلا
بیر طبیب بۉلیب کېلگین، سۉره گین مېنی
لاله گل اېسینگی، قۉی اېسکه ی سېنی
سودالی بو دل بیلن، عاشق من سېنگه
رحم اېله مرحمت، لطف قیلگین مېنگه
بۉلگن بو یوره ک، تیتره گن نازیک یپراق
گینجلیگیم نی سوو قیلدینگ، قیلمه مېنگه باق
اېله گین مرحمت بېر، باقگین مېنگه
بوکیلگن بۉینیم دیر، قوُل بۉلگن سېنگه
87
عشق نی مېنگه آنگلتمه نگ، تنیدی قلبیم اونی
یانیغ ایچیده قلبیم، بیلینگلر سیزلر بونی
ییللر اونچه بیر ظالم، یاقتی حالا یانه دی
او ظالم نینگ قۉلیدن، بوکون گچه قانه دی
عشق نیمه دیر بیلمه دی، قلبیم نی آنگله مه دی
یاقتی کېتتی او ظالم، بو دردنی اۉیله مه دی
بیر رسمی بار قۉلیمده، خیالی کۉزلریمده
اسمی هر آن تیلیمده، غزللی سۉزلریمده
قلبیم او نی تاپه ی دېب، کېجه کندوز اوره شدی
او که یاقتی قلبیم نی، آتشلی عشق یره شدی
88
دۉن آقشام ینه سېنی کۉریب سۉرماققه کېلدیم
کۉرمگینچه اوزیلیب دردنی باشیمگه ایلدیم
قلبیم ده کی دردیمگه درمان لطف قیلیب بېرگین
دوست باغچه دن گللر نی دردگه لطف قیلیب تیرگین
ییللر دیر بو حسرتینگ یاقتتی قاووردی مېنی
ایچیمده کی جنبش نی آلدی ساووردی مېنی
سېنینگ اوچون ییغلهب من کۉز یاشی تۉکتیم عزیز
تیکیش نی سۉکن کبی جاندن جان سۉکتیم عزیز
قلبیم ده کی دردیمگه درمان تاپماققه کېلدیم
زیارت قیلیب سېنی کعبه یاپماققه کېلدیم
89
قدرسیز چاره سیزگه قۉیمه گین مېنی مېنگه
یوره کدن سېن مېنی سن سویمه گین مېنی مېنگه
بو یوره ک نینگ ایستگی کۉپ شی می سېندن ایستر؟
اوزاغدن سېن اوزاغدن بیر کولسنگ بیلگین یېتر
سینه مگه سن باش قۉییب سېوگیلیم دېمه دینگ سن
کاهل سیز بو قوُلینگ نی بو قوُلیم دېمه دینگ سن
راضی من اوزاغدن سن او یېتر کولیمسه سنگ
او لحظه کۉنگلیمگه گل بیتر کولیمسه سنگ
ایسترسنگ هر پیت زمان قاررتکین حیاتیم نی
یېتر که مېن له اوره ش تیتره تکین هیهاتیم نی
یېتر که بیر کولیمسه اوزاغ بۉلسه ـ ده اوزاغ
یشرسین اوندن بو باغ قیش کېتسین قۉیمه سین داغ
90
عشق یۉلیده بو سېوگیگه لایق اېمس سېن اېمس سېن
کۉنگلیم یالغان بۉلگن عشققه نېدن ایشانسین؟
هر قۉل گه بیر بال اۉزینگ سن مېندن اوزاغ تور
عشق نی آلیب ساچتینگ جزا رسوالیکنی کۉر
گاهی بو قدح، گاهی باشقه، بۉلدینگ سن شراب
قرارسیز و بې قرار سن، هرجامگه سن آب
چېکیل اېندی بو یۉلیمدن قۉل اورمه مېنگه
هر قۉل گه سن بیر رومال سن گپ سورمه مېنگه
سۉنگ امیدیم اۉزینگ اېدینگ قیلدینگ سن قیمه
اېتدن بۉلدیم قیمه قیمه باشقه سن یېمه
ایشله دیینگ گناه لر نی محشرگه تاشی
امیدیم نینگ قازانیگه پیشمه دی آشی
نېردن کۉریب سېنی سېودیم چاره سیز عاشق
ایتکین آرزو اېدی می قیلدینگ سن قاشیق
91
گناه م نې سه، بېر جزام نی چېکه ی مېن سېندن
حاکم بۉل سن قاضی بۉل سن ایچه ی مېن سېندن
بو عمرده عشق یۉلیگه کیرمه سېن من سیز
فدا بۉلگن بو قوُلینگ دیر کیرمی من سن سیز
خطاب اېتکین مېن بۉینیم نی بوکه ی تیرینگگه
گناه لر نی محشر کونی آله ی یېرینگگه
بیله یم من بیله یم فرقتینگ نینگ سببی نی
گناه م بۉلسه بیر جزا نی، بېرمه فرقت شبی نی
داغ سیز قالسین گپیر گلیم داغ سیز یوره کدن
یا تاش اورگین گناه م بۉلسه نازیک کۉکره کدن
یېتر آلگین قانه ت اوریب بوکیلگن باش نی
آقتیر یاش نی گناه م بولسه بېرمه خام آش نی
ایتکین گلیم بیله یم من بۉلگن گناه نی
آه گه بېردینگ محزون قیلدینگ کۉرمه ی آه نی
92
مېندن حسرت تاشیدی بو شهر کېچه لری
سېندن خاطره بېرگن قصبه کوچه لری
سېسسیز بعضاً بیرگناه بعضاً تیلده بیر اې وا
غملر بیلن یشی من قوینیمده یۉق دوا
وفاسیز یاقیب کېتینگ آرقه نگه قره مه دینگ
غم بېره دی کېچه لر یره مگه یره مه دینگ
اېپ خاطره بېره دی کندوز کېچه یوره ککه
کېت گنینگدن او پیتدن علاج سیز کوکره ککه
بیر قره سنگ قیغو او حد گه وفا بۉلمسه
قیمتسیز دور بو اوچون تۉغری یشم کولمسه
93
یۉلگه چیققن گل دلیم دور قۉلدن بېردیم بیری نی
امید بېرمه اې فلکیم سېوه دی باشقه سی نی
قالمه دی آیدین بیرحالیم اوچتی مېندن قوش بۉلیب
کیمسم یۉق دور اوندن باشقه یۉلگه قۉیدی او کولیب
بیر بوته نینگ گلی اېدیک بو فکرده اېدی او
ایلندی فکری اوزاقده یریم یۉلگه قۉیدی او
سۉزبېربیدی دل نی آچیب عشق یۉلیدن گل بیلیب
قیتی سۉزدن دل نی یولیب عشق یۉلیده کول قیلیب
باتسه تیکن زهرلی دېب هر شاعر دلدن توککن
هر گوزل گل تیکنلی دیب بویوکلر تۉغری ایککن
زهرلی بۉلسه ـ ده تیکن گل اوچون مېن توربیدیم
او اوچون بار و یۉقیم نی او زهرگه سوربیدیم
نه اُۉلی من نه تیریک من یریم یوملاق حیات
زهرلی تیکن نی اورگن تاتسیز بۉلگن تاتسیزتات
94
اوچیب کېتینگ بو یېرلردن قته سن جانیم ایتکین؟
قوش مثالی اوچتینگ مېندن نیرده جانانیم ایتکین؟
اوزاق یۉلگه توشتینگ می سن کېلمیکن یار می بۉلدینگ؟
درد و الم نی یوکلهب سن باشقه گه بار می بۉلدینگ؟
بولوتلر یۉلداشینگ بۉلسین قوری سین تېنگری سېنی
دل دعاسی یانینگده دیر چاره سیز کۉرگین مېنی
عشق کۉچی عجیب بیر کۉچ او عشق یۉلیگه توشسه دل
بیر امید گل یاردن کېلسه سیره ته دی او منزل
بۉلیب بۉلمه گین بېگانه یامان فکر گه توشمه
بهار بۉلیب یېل بۉلگین سن عشققه خزان نی قوشمه
خدا آتیدن کېلگین سن دلگه محبت ایلیب
دعا سینگه دلدن توشکن بو دلگه رحم قیلیب
95
غربتدن بختیم قاره، حسرت اۉلیمدن اچّیق
بو یالغیزلیکدن یوره ک کولمه یدی کۉنگیلی ضیق
نې زمان توگلله دی، بو یۉللر اره وه چی؟
حسرت نینگ ظلمی بیلن، ییغله یدی دلین ایچی
آتلرنی قمچی له گین، وقتسیز یارگه بارمه ی لی
تقدیر نی قاره قیلیب، یامان حال نی قارمه ی لی
بیر توش کۉردیم قورقه من، یار مېندن اۉتکن اېدی
او توش نینگ اۉرته سیده، باشقه نی توتکن اېدی
سېوگن من کۉزلری نی، آی بۉلگن آی یوزی نی
عشققه دلدن اېگیلیب، شیرین تاتلی سۉزی نی
قمچی له اره وه چی، زمانده کوی گه کیره ی
او گۉزل تاتلی گل نی، دنیا کۉزی له کۉره ی
96
عقلیمگه کېلگینچه سېنینگ کۉزلرینگ
کیمسه بیلمس آلر یوز و سۉزلرینگ
فکر قیلمه، قیتیب سېندن من اۉتسم
سېنی قۉییب باشقه دن زهر یوتسم
یۉلگه چیقدیم، تام بدن نی قوُل قیلیب
سېنینگ عشقینگگه روحیم نی مېن ایلیب
مېن قیت می من قیف قیرمیزی قلبینگدن
تا اۉپمسم اۉله من مېن لبینگدن
سېن که یۉق سن سیم سیاه دیر یانلریم
فرقی یۉق دیر کېچه دن بو کونلریم
گناه م بۉلسه مېن جزامگه راضی من
جزا بېرسنگ بویورگین سن قاضی سن
یامغیر یاغسه کۉزیمگه و یوزیمگه
قلبیم یېتر سوو اورمه گین کۉزیمگه
سوو توککن سن باشدن باشلهب تنیمگه
سیم سیاه لی اغدیردینگ بدنیمگه
اې دردلریم توتینگ مېنی قالدیرینگ
عشق اۉتمسین عشق یۉلیگه سالدیرینگ
ایتینگ اونگه بو کونیمدن دردیمدن
چاره م یۉق دیر قاچمسم امیدیمدن
هیچ کۉریلمس بۉلدیم اونینگ یۉلیدن
سیم سیاه دیر کوندوزلریم قۉلیدن
97
جان دېب عشققه کېتمنگلر، عشق بیر آفت جان دیر
آتشی له یاقر او، شهرتی بیر جهان دیر
سودا گل دېب ایسته مه نگ، غمی هرلحظه و آن
هرکیم ایسته دی کۉردی، کۉرگنی یالغیز زیان
هر قاش کمانلی نینگ، قۉلیده بیر خنجر بار
یار دېب یقین لشسنگلر، او خنجرده زهر بار
وحشی گۉزل کۉریلیر، کۉزلری بیر داستان دیر
اگر ایچگه توشسنگلر، سوداسی کۉپ یامان دیر
عشق اۉزی پارچه عذاب، بیلیب بیلمه ی توشمنگلر
عاشق ایشی بیر فغان، عاشق لیککه قوشمنگلر
یاد قیلمه نگ گۉزل کۉز نی، اینر غمی هربیر آن
مرهم نی هوس قیلمه نگ، بېرگنی قیزیل بیر قان
آلسنگیز درس نی بیلینگ، کېلمس دوا گۉزه لدن
الده نسنگیز شاعر سیز، کېلمس دوا اۉزه لدن
98
اینجه مینچاق بۉلگن او یوره ک قفسی
یوره ک اوچکن بیر رازگه کېلسه نفسی
تومن بۉلگن بو کۉنگلیم توشکن آلاوگه
امیدسیز بۉلدیم لیلا کۉرسنگ بو آوگه
اې قاشلرینگ قلم قاش کۉزلرینگ چشم سیاه
آتمه تاش نی سینمگه سینه مده مینگ آه
یۉل بېرگین باره ی لیلا، لیلا لیلا هو لیلا
اۉپیب روحیدن باره ی، ایته ی دېیرلی دوا
یۉللریم قارلی بۉلگن، قیش اوستیمگه اینگن او
چاره م یۉق که هو لیلا، درد جانیمگه مینگن او
چاره سیز بۉلدیم لیلا، لیلا لیلا هو لیلا
امیدیم یالغیز سن سېن، کېلگین که بۉلسین دوا
99
توشکن بیر یپراق کۉرسنگ، خاطرله گین دېبیدینگ
بیرسۉنگ بهاردن عشق نی، بیر گل کبی سېُبیدینگ
هر سۉنگ بهار کېلشده، سریغ یپراق توکیلیر
خاطره نگ عقلده دیر، خیال حالی ایکیلیر
روزگارنینگ دولابیدن، توکیلگن یپراغ کبی
خاطره نگ عقلیمگه او، چیچکلی بیر باغ کبی
بیر سۉنگ بهار کېلیش نی، خیاللرگه آسگن من
روزگارنینگ گلی بۉلگین، سېن تامانگه اېسگن من
100
نازیک بېل لی قاره کۉزلی سېوگلیم
نازلهب کېلیب مېنی کۉرگین سنبلیم
هر باقیشده عاشق قیلدینگ اۉزیم نی
یۉلیم یۉق دیر سۉزلمسم سۉزیم نی
لیلا بۉلیب مجنون قیلدینگ قلبیم نی
جنون یۉلگه بلبل قیلدینگ لبیم نی
ایستر امرینگ بۉلسین هر دایم قوُلگه
چاره م یۉق که بۉی بوکمه سم بو یۉلگه
قلب باغچه مگه سنبل بۉلیب آچیلسنگ
قوقو بېریب عشق یۉلیگه ساچیلسنگ
گۉزل یوزینگ نور تشله سه یوزیمگه
گۉزل کۉزدن الهام بېرسه سۉزیمگه
سنسیز حیات قاره حیات، قیلسنگ او
سن بۉلمه سنگ او بیر اۉلیم، بیلسنگ او
کولگن یوزینگ مېندن بۉلسین چاره یۉق
یا اۉلدیرگین یا بۉلدیرگین گۉزل آقَ
یوز مثنوی (1)َ
11,01,2024
اوکتای اسلان قلمیدن (راه سوم)