کتاب، یوز گللی بیر گلستان، یوره کدن آلیتکن شعرلر
یوز غزل (1)
11,01,2024
اوکتای اسلان قلمیدن (راه سوم)
ــــــــــــــــــــــــ
1
بیکله دیم من گلیم نی، لېکن گلرو کېلمه دی
کېچه لر تانگ آتگونچه، کۉزگه اویقو کېلمه دی
باش اداغ چېکتیم اۉزگه، داغ داغ دردلرنی
شر شر جان یولدی، شوخ بدخو کېلمه دی
عرضم نی مینگ بیر کره، ایتتیم فلک التماس
قویاش سیز حیاتیمگه، گل شبو کېلمه دی
یاش توکیب ییغله دیم من، او پری نینگ هجریدن
اوُل فراقدن کۉرمه دیم، کېلسه کولگو کېلمه دی
کۉرمه دی دېسه گلبیز، کۉزلرینگدن آقر یاش
آقیردیم من نرگسدن، باشقه بیر سوو کېلمه دی
تاپالمس صادق بیر یار، باشقه ایسته ک هم بۉلسه
یۉلگه توشکن فقیرگه، پری یوزلو کېلمه دی
چاره سیز اې یوره گیم، بیر جام بیلن خرم اېت
بو حالیمدن پری گه، بیر ته قیغو کېلمه دی
2
عمر دامله یاش اېکن، عزیزلریمگه آتدیم
ولېکن بیلمه دیلر، تیکن گولگه ده یاتدیم
ینگی گل بهارلی عشق، ماضیدن قوقینگ حسده
بیر سرغه گن بنفش من، سۉنگ بهاریم نی تاتدیم
بیر ذره توپراق حالی، هوانگده من اوچکن من
یامغیرسیز بو عمریمدن، هوسلریم له قاتدیم
کۉرمه دیم جوانلیکده، جلوه سی بۉلسه مېندن
جوانلیک جلوه سی نی، اېپ هوس قیلیب تاتدیم
ایچمه دیم باده جامدن، عافیت بۉلسه مېنگه
اېپ هوس گل عیشی نی، کۉرمه ی عمریم نی آتدیم
آق بۉلگن ساچلریم نی، فلک بېرمه گن تحفه
جوانلیگم نی آلدی، چاره سیز قالیب ساتدیم
قۉل آیاغیم باغلنگن، حریت سیز بیر حالده
انسانلردن قاچه من، بو بۉلگن مکافاتدیم
عیب کۉرمسینلر مېنی، قاچسم من انسانلردن
جان چاره م نیمه دیر او؟ اینیلگن هیهاتدیم
3
اې زاهد تعمیز یوزلی، عیب کۉرمه رند ایشی نی
سېنگه توشمس گناه سی، یامانلمه قیشی نی
یخشی یا یامانلیگیم، من لی بۉلگن بیر ایش بو
یشمده که سِرلر بار، خام دېمه سن کیشی نی
هر کیم بیر یار ایسته گن، هوشسیز و عقللی سی
هر یېرده عشق بۉلگنده، عور کۉرمه سن تیشی نی
نې زمان مېن اختردیم، نقاب تگیدن بیر گل؟
تقدیرگه باش نی ایلدیک، اوندن بیلدیک بیشی نی
هر کیم یۉغورت نی یېسه، هر کیم نی کی فرقلی دیر
عقلینگگه اۉزینگ قره، آلمسینلر شیشی نی
بت خانه لی یۉلیدن، زاهدلیک نی کۉرستکن
اری دن بال آلگینچه، نشی نی بیل ایشی نی
بو جان نی یامان کۉرمه، ظاهردن لاف نی سوقمه
یالغیز اکه بیله دی، هر عطارنینگ پیشی نی
4
کۉرسنگ نرگسینگ بیلن، بۉلگن بو دل نظاره
گل گل دېگن سن گلگه، دل بۉلگن پاره پاره
تاب تابله گن قویاشدن، پارچه نور ایستگیم نی
گر قوُل بۉلیب ایسته سم، کېلگن یوره ک یاره
ایلنگنیم قبله نی، زاهدسیز صنم بیلیب
چاره سیزگه باقمسنگ، چاره سیز من آواره
کۉرسه کیشی فتانسیز، فغان اېله گن دلدن
افسانه لی رمان نی، کۉرر بۉلگن فواره
عزیز بیلدیم کویینگ نی، نصیب دعا نی اۉقیب
یوز مسکینلی درویش من، غربتده من بېچاره
سوله ی گن نفس بۉلدیم، عیسا نفس ایستگیم
سېندن نفس کېلمسه، بیاض هر کونیم قاره
جانیمگه رحم اېله گین، عشققه رب سن خدادن
گناه مېنگه یازمسین، من بت پرست آواره
5
یېل اېسه دی ملایم، بهار بهشت اۉزیدن
سلطان بۉلگن بو گدا، بو اقلیم نینگ یوزیدن
باش که تېگسه باده گه، نېگه بۉلمسین او جان؟
کوثر که شراب تۉبی، هر ماجرا دوزیدن
بیر باقسنگ باغ و بوستان، بهشتدن سۉز ایته دی
نسیه گه باقمه ی او، نقدی شهلا کۉزیدن
ساقی آباد قیل دل نی، بو دنیا ویرانه ده
آلتین قلب بو گدادن، عشققه چاپکن سۉزیدن
دشمندن بیکله مگین، وفا کېلمس بددن
مسجددن شمع یاقتی سی، معجزه لی اۉزیدن
قیلمسین سېنگه اې جان، ملامتلی ایچیرسه
سېن که یالغیز بیر قوُل سن، بۉلگنلر اۉز توزیدن
6
حرلشتیردیم جانیم نی، کېچه هجرینگدن کېلیب
کندوز وصالگه بېردیم، جان نی مینگ پارچه قیلیب
حلال شراب ایچگنیم، قیزل قانیمدن او دیر
قارمشه لیک حیات نی، آلگن من عشققه ایلیب
آه دېب هردم تارته من، آتشلی سینه مدن من
شمع گه کله بیک بۉلدیم، نوری نی سېندن بیلیب
دامله یاش کیپریگیمدن، اېتککه آققن هر دم
آیاغ آستینگگه آتدیم، عشقینگگه روح نی تیلیب
یوز مرته چینه دیم من، افسوس دېب لبلریم نی
لبینگ گه خیال ایلدیم، هجردن بد نی سیلیب
بو تلاطم حال بیلن، دل قنده ی ساکنلشسین؟
هر بیر ساچینگگه باغلی، آشفته گه قاتیلیب
چاره سیز بۉلدینگ اې جان، گل گل دېگن بو گلدن
باش نی دردلرگه اوردینگ، اوسیز ییغی گه ایلیب
7
ییللرچه دل ایسته دی، جام و جم تمنا
نیمهرسه سی باریدی، تۉکتی یایدی او دریا
سوو ایچیدن صدف نی، اینجه فکر له سیچتی
تاشلرنینگ اورته سیدن، دریادن آلسه دوا
تار بۉلگن ذهنیتدن، میخانه دن آلیلمس
زاهد اۉینلگن یېرده، تۉغری عالِم بیر معما
خرم بۉلسه غنچه دن، باده لی قدح قۉلیده
آینه سیز بۉلسه حُکم، تیاتری تماشا
جام و جم بو جهانده، زاهد کۉریلشدن می؟
ظاهری لردن هر شی، ینگی شرابلی مینا
بیدللیک هراحوالده، تېنگری نی صاف کۉرمه ی می؟
پرده اینگن کۉزلردن، حدیثلری مدعا
برچه اۉیین عارسیزدن، عارف نامیدن کېلسه
فرعونینگ قرشیسیده، موسادن بۉلسین عصا
اې جان بودل ایسته دی، یالغیز جام و بیر جم نی
قباحتی کۉریلگن، زاهدسیز اېمس دعوا
8
گل گل لشکن رخینگ نی، آی دن من زیبا کۉردیم
جنتدن کېلگن بۉ دېب، اینجه یوره ک نی سوردیم
اۉتکن کېچه خیالگه، آینه دن باقدیم اونگه
بیاض گل نرگسینگدن، مینگ بیر نظاره توردیم
هر کون توققن او پیتدن، آقشام گچه سېن له من
اری نیشی گه باقمه ی، بال نی خیالگه اوردیم
جامدن باده نشه سی، غمزه نگدن دل گه اینگن
لاله هوانگگه اې گل، گل لی باغچه نی قوردیم
یوز مرته لی نصیحت، گلگون دوداغدن کېگن
قان رنگلی گوهردن بېر، باشیمگه خیال اوردیم
صاحب جهان اکه میز، بخشیله سین محشرده
سېنی که بت دېگن من، زاهد نی می دن سۉردیم
لبلریم گل توکنده، عشقدن غزل توکه دی
بو جان نی قربان بېریب، عاشق من دېب یوردیم
9
بۉلدیم دوستلر یکّه یالغیز، دلدن قراریم قالمه دی
سۉلدیم گل دېک، نې اېته ی من؟ تنده مداریم قالمه دی
یېتدی عمریم اۉز اداغگه، کۉزلریمدن یاش بیلن
باغ و بوستانیم قوریدی، بۉلگن بیر داریم قالمه دی
تیرمه دیم جوانلیکده، یشم اوچون دسته گل
حیا اینگن کۉزلریمگه، کۉزدن خماریم قالمه دی
جان نی یولدی تار حیاتدیم، تۉیدیم اوندن بو یشم
شیشه بۉلدیم سیندیم هر دم، هردمگه باریم قالمه دی
ییغله دیم نای سان سېسی له، انسانینگ سینگن جامیگه
دامله باده قالمگن، قالمه گن روزگاریم قالمه دی
آنه آته قۉیینیگه، باش قۉیگنیم مینگ جان اېکن
بیلمه دیم یېل کبی اېسدی، جانگه یاریم قالمه دی
ییغله جان سن داغله دی، ماضیدن درس نی او بېریب
تیلبه بۉلدیم ایل ارا، اېندی وقاریم قالمه دی
10
کیردی اېشیکدن گل گل، باقیب دامله یاش بۉلدیم
اۉز دنیاسیدن ایتتی، اونگه من قویاش بۉلدیم
عقلیم خبرده اېدی، کېلسه دوستدن بیر خبر
گل یوزلی اۉزی کېلدی، اونگه باشقه باش بۉلدیم
توشکن اېدیم دامله سوو، قویاش نوریگه قرشی
کېچه مگه اوچقون توشدی، سوولی اونگه آش بۉلدیم
ایتبیدیم بیر کۉرسم دېب، یوره کدن مینگ اشتیاق
اونی کۉرگنیم پیتده، عشقدن محکم تاش بۉلدیم
قۉل آیاق کۉچ بېرمسه، باش بیلن اونگه باره ی
باشیم نی اېگیلیب من، اونگه قلم قاش بۉلدیم
نرگسیدن کۉزلرنی، قنده ی قه یرسم مگر
بیر التفات باغچه او، بیر توته من کاش بۉلدیم
ایتسه لر سېنگه اې جان، یوزینگ سریغ نېگه دېب
عشق دردیدن ایتکین سن، چونکه دامله یاش بۉلدیم
11
یوره گیمگه گل چیزدیردینگ قانلی یاش بیلن
یاقتینگ مېنی کولگه دۉندیم پیش مس آش بیلن
قنده ی قیله ی نیرگه باره ی تومن گه توشدیم
طاقت سیز من بو حال بیلن دردلی باش بیلن
جانیم آلدینگ جان یوره کدن بېردینگ چیله گه
سینگن کمان بۉلدیم سېندن اې اې کاش بیلن
فایده سی یۉق خفه لیک بار اگر کېلسنگ ـ ده
وفاسیز سن خیرسیز سن برچه داش بیلن
جان یوره گیم سېنگه ایته ی اېشیتکین اې جان
آتی باتسین کسوف ده من دردلی باش بیلن
12
عنکبوت اېپ تشله گن، سینیق آینه اوستگه
یالغیز کۉزلر کۉریلگن، او آینه دن دوستگه
ایکّی دیده م کۉزلرده، آی بۉلگن شاهد حالده
قیسقه نیب آی دن آینه، توکیلگن ییغلهب توستگه
یالغیز آی و نرگسی، ایکّی کۉزیم دامیده
تۉخته گن آهاج و گل، عشق حرمتدن پوستگه
تفسیری عشقدن کېگن، تیتره تکن جانیم کۉزی
پوست قیلگن روحیم نی او، درد تشله گن دوستگه
جان ایته ی ییغلهمه سن، قباحتلر برچه دام
ایچمه دن مست بۉلگنیم، ایندیم لب جوستگه
13
تۉخته مه ی گلم کېتینگ، رسم زیبانگ قۉلده
روحیم نی مېندن آلدینگ او سینه مده قوُلده (غلام)
جان یوره کدن سېتیلگن، درد بیلن بۉلیم لشیب
اینیلگن بو قوُل بۉلگن، دېیرینگ بو کولده
سِر عشقدن و دوستدن، تاپیلمس جوره لی گل
بۉی ایندیم بنفشه سن، حتی بۉلسنگ چۉلده
توشدی خزان بهار اینمه ی، حسرتدن روح و تن گه
آققن یاشیم قیزیل قان او، توشکنیم بو یۉلده
جان ییغلهمه عشق اېکن بو، بوز زمانده یاقیکن
کول قیلیب باشدن یره تیب، تۉغری سیز ساسۉلده
14
عشوه لی گل چیقدی کېلدی، ایندی او گل بازارگه
ناز بیلن هر کیم نی آلدی، گل یوزلی گلزارگه
مست بۉلدی زرفروش و عطار و قصاب همه
بېردیلر آنگ نی او گلگه، او بۉلگن بهارگه
هوش که کېتتی برچه لردن، آلدی او نسیه لر
سن اونی بېر بو بونی دېب، ییغدی ثروت بارگه
مرد ییگیت بۉلگن ییگیتلر، قوقوله ماق نینگ دردیده
توشدیلر آوچی قۉلیگه، مال و ملک عیارگه
دردلری قوقله ماق اېدی، قوی بۉلدیلر بوری گه
آنگ کېلگنده بیلدیلر که، توشکنلر شکارگه
باردیلر قاضی یانیگه، توکتیلر شکایتلر
انس اېمس او جن بۉلگن، قۉیدی بیزنی عارگه
فرمانگه کېلدی او گل بیلیب، قاضی و زمان نی
نازلهنیب قاضی گه ایتتی، بېریلسینلر دارگه
سبب نی قاضی سۉره دی، ایتتی ایتسم بو حیا
محرمیم سیز، سیزگه ایته ی، چیقسینلر باشقه دیارگه
کیمسه که قالمه دی اورده، لب نی بېردی قاضیگه
دردلری اۉپماق بو لبدن، توشتیلر قمارگه
سیزکه محرم فدا بۉلسین، قند نبات، شکر دوداغ
زر جامدن هر کیم ایچسه، روا می پری دارگه؟
یازدی لب یوزیدن فرمان، تۉرت کتابلی توزه تیب
عفو بیریلسین بیر مرته لی، بارسینلر افکارگه
بو مرته بو آی یوزیدن، بیر مرته بۉلسینلر عفو
تکراری اگر که کېلسه، آسیلسینلر دارگه
15
سحر وقتی ایتتی بلبل، ناز قیلمه ی آچیل غنچه گل
باققه باقسنگ آچیلگنلر، تورلی گلده محفل
کولدی غنچه آچیلیب او، تۉغری دیر اما لېکن
قباح تیلدن گپیرمه یدی، عاشق بۉلسه بیلسه یۉل
ایسته گی باده ایچماق سه، عشقی اوچون بۉلسه جان
زر مثاللی بۉلسه سۉزی، او ایچر یا که باطل
کیم قازانگن لق لق لردن، جانی اوچون اعتبار؟
آنگلملی گۉزل سۉزلر دیر، هر شاعردن بو مشکل
بلبل گر هرتیلگه توشکن، دل اوچون بۉلیب دېیر
دلربا غزللری دیر، اسمی بیلن او عقل
لق لقلر قرغه سېسی او، بیلگین جان بۉلمس اثر
اینجه سۉزلیککه یا بار سن یا اولتیرگین مُستَعجِل
16
غمزه ساچکن نرگسینگ، یۉق او بیر دېیرسیز
یایگن قوقو جان ایسینگ، یۉق او بیر دېیرسیز
بال تشله گن لبلرینگ توتساققه آلگن جان نی
او شکر، قند نفسینگ، یۉق او بیر دېیرسیز
باده جام نی یانسیتکن، او شیرین تاتلی تنینگ
کیپیریکدن ایما و حسینگ، یۉق او بیر دېیرسیز
مبتلا قیلدینگ عشققه، ناله لر اُول فراقدن
ییغلهمه جان هوسینگ، یۉق او بیر دېیرسیز
اېس سه یېل گلدن کوییدن، بیر نفس عیسی لی دم
ایته ی گلگه بار و بسینگ، یۉق او بیر دېیرسیز
17
یوره گیدن اوچتی بلبل، یار دېیب اۉز گلیگه
باقمه دی مستعجل بلبل، قاووریلگن خجلیگه
نازله نیب عشوه لر بیلن، تشله دی دام نی گلی
کۉز گیزدیریب اوزاغدن، قره دی دوست دلیگه
عشقده بۉلمه یدی توره سی، بۉلمسه عشقدن یره
بو گرچککه باغله دی گل، سوو بېرمه ی منزلیگه
چاره سیز بیکله دی بلبل، بیر نظر کېسه گلدن
قیمت ساتتی حسنی نی گل، یار دېگن حاصلیگه
قیمتسیز زرگه ساتیلسه، قاله می عشقدن دېیر؟
ایتتی گل بنفشه گلگه، او کون نینگ غافلیگه
اېشیتتی گلدن بنفشه، بیلدی عقل بۉلسه یار
قیمتلی عقلیگه کېلدی، ایندی شمایلیگه
قۉل قۉل نقشلی نگارلر، هر سرایگه بۉلدېک بیز
غزل خان بیر کیشی میز یۉق، بو یشم مشکلیگه
ساتیلگن بیز ارزان گه بیز، ساده بیر زیبا بۉلیب
بیلمدیک بیز رن عقل نی، کیردیک مستعجلیگه
18
یانسیمسه دوستدن یوز، آقشام سحرگه اینمس
یاقیلمسه عشقدن شمع، داستان دېیرگه اینمس
قه یېرده عشق طبیبی؟ کسلیک باش کوتردی
گلسیز شوره زاردن بلبل، بلبل شهرگه اینمس
سهراب اۉله یتکن پیت، کېلمه دی نوشداروسی
بو درام نینگ معنی سی، عقلسیز درگه اینمس
کۉردی گل نی بلبلی، قفس گه توشکن پیتده
ییغله دی دنیادن او، هر باش بو سِرگه اینمس
کله بیک بۉلدیم عشققه، توشدیم آتش ایچیگه
کېلمه دی آی نورافشان، آقشام صبرگه اینمس
یانسیتکین نرگس دُرینگنی، جان سن قره جانان
بیلمه سنگ قیمت زر نی، شراب ساغرگه اینمس
19
اوچتی قوش آهاجدن کۉردی قیرمیزی لعل شمایل
ساندی که تاتلی ېییم او، آلدی گه گه ده مایل
بیلدی او تاتسیز بیر تاش او، آتتی توپراق اوستیگه
اوریشدی اۉز عقلی بیلن، عقلسیز قاییل
یانسیتتی لعل قویاشدن، سحِرلی بیر معجزه
ایندی قوش کۉرسه لعل نی، بیلسه نېدیر فضایل؟
ایتتی لعل قیمتلی تاش من، مقامیم باش کوشه لرده
بار که قوقو گلدن اېسکن، سیره تکن بلبل نی حائل
کیرسه قرغه گل قۉینیگه، بېرالمس بلبل سېسی نی
ذکا بۉلمسه دُر نی، نېردن بیلسین سائل؟
آتمسین هیچ کیم لعل نی، بیلمگن عقل اۉنگیگه
بیلگیدن بېلگی سیزلر، ېیماققه باشلر قبایل
بیلگین سن جان آتمه دېیر، یری جاهل درگه
دُرنی بیلمگنلر کۉپ دیر، بیلمسلر جاهل
20
دامله تتی یامغیر سووی نی، سۉللگن گل یپراغیگه
ایتتی او جانگه کیره سن، شُهرتلی گللر باغیگه
کېلتیردیم پاکیزه سوو نی، ناب آققن بۉلگن دریادن
قالمسین سۉلگن ایزلرینگ، کیره سن جان ساغیگه
کولدی گل باشلتتی تیل نی، زمانسیز کېلسه نیمه او؟
ایّسیق دن هییتلر اۉلگن، آتکنینگ درد داغیگه
وقتیده کېلمگن کیمیا، بۉله می او بیر دوا؟
سن زمان نی بیلیب آقیر، بیلمسنگ درد یاغیگه
اېندی که جان جاندن اۉتکن، بیرسنگ ـ ده بۉلمس توتیا
جانیمدن جان نی بېراتتیم، آیدین سیز چراغیگه
بیلگین سن جان کېلمسین قان، وقتسیز جانگه جاناندن
بۉلمس او زر بۉلر زهر، وقتسیز اینسه باغیگه
21
توتبیدی یپراق گلی نی، گه گه ده او سودا دن
یۉق اېدی وصال خوشلیگی، ناله بېرگن هوا دن
سۉره دیم بو پیت وصالده، نیمه او فغان بو افغان؟
ایتتی او دردلی بیرآن بو، خوش سیزلیک ماجراده
بېرمگن گل اذن مېنگه، قوقله سم ایسیدن ایس
مېن که اونینگ بلبلی من، دواسیز دعواده
آلمه یدی بیرآز نازیم نی، مېن اونی لیلا دېگن
کۉرسنگلر دردی گه گه ده، گل سنلگن برملا ده
بېرمه گن یوپراق گلی نی، سِحرلی دردی نی بېرگن
کۉریلیش گل یپراق بو، توشکنیم بو بلا ده
اگر مرشد عشق بۉلسه، اېله مه یانگلیشلر فکر
سِحرلی یوز حیله سی بار، مرید سن بو صحرا ده
دردیم نی کیمگه مېن ایته ی، دردی گل کۉریلش پیتده؟
او که سِحرلی گل او، رضاسیز من رضاده
22
آرقه داش بۉلگن هرکیمدن، عقل و آنگ خبرلی می؟
گل اوچون سوو تاپماققه، لبلر کوثرلی می؟
عطارلی بازارلرده، هر کیم عطر ساتماقچین
هر عطارگه بارسنگ سن، او عطار شکرلی می؟
تارتینگ قۉلده بۉلمسه، هر کیم بیر اولچو ایتر
قلبینگگه قیزیق اورسه، ایته سن بو زرلی می؟
تک اېشیکلی دېب باریب، بارمه کیمسه دُریگه
جفتلی بختینگگه چیقسه، بیلمسلی سِحرلی می؟
هر قازان که قینه سه، تاواق آلیب بارمه گین
باشقه گه پیشکن آشلر، هرکیمگه معطرلی می؟
بیر شمع بۉلسین یوره گینگ، یاقتی یره تکن دُرینگ
یېل ایسمه گن شمالدن، اۉتسنگ سن ثمرلی می؟
اۉتمه سنگ سن شمالدن، بیلمه سنگ اېسکن یېلدن
دُر بۉلمگن دریاده، صخره لر گوهرلی می؟
آبروینگدن سوو آقیرمه، جان گه کیچیکلیک بېرمه
ثمرسیز بیر آهاجگه، بۉی آتسنگ اثرلی می؟
23
قنچه بۉلسه راز بیزده، هنری دوست قۉلیدن
نیمه کېلسه باش اوستگه، اراده مقبولیدن
اونگه اۉخشه گن حُسن نی، آی قویاشدن کۉرمه دیم
آینه لردن کۉریلمس، بۉلگن او معقولیدن
قنده ی بېره ی یېل اېسکن نی، تار بۉلگن یوره کدن؟
صحفه صحفه اۉقیدیم من، سِرلر اصولیدن
بۉلمه دیم کوزه بېرسم، سوو تولدیریب هر یېرگه
یالغیزچه دیده م اونگه، جام ایچسم قۉلیدن
زلفدن عنبر بېریش نی، بیر تره سه عشق اوچون
یایسه شمال روحیمگه، آتش دن و یۉلیدن
گلبیز گل یپراغی، یایر او گۉزل هوا
او هوا دیر جان فدا، بویورغی حصولیدن
بۉلگن او ناطققه تیل، وصفی گه بو دل نالان
چاره سیز پارچه غزللر، بېریلر سا سۉلیدن
کېلسه بویی او مراد دیر، جانگه ایته ی بو مراد
تعالی دیر قوقلسم قوقو، اینسه کۉک عقولیدن
24
تاتلی نرگسلر جادو، عشققه ایلدیم سیز بیلن
نازنین کۉزلرگه باقیب، عشققه کېلدیم سیز بیلن
زیب یسه لگن دوداغلردن، آنگلملر اینگن عشق اوچون
گل نگارگه قربان بۉله ی، عشق نی بیلدیم سیز بیلن
مغبچه سیز میخانه ده، عشق اوچون بتخانه ده
زاهدسیز بت پرست بۉلدیم، عشق نی تیلدیم سیز بیلن
آی جمال لی کمال هنر، پاکیزه، سیز یاسمین
یاسمین بۉلگن بو عشققه، مېن قتیلدیم سیز بیلن
یوره گیم بدندن چیقدی، گېزدی گېزدی سیز اوچون
نې دېیه ی یره یوره ککه؟ غم نی سیلدیم سیز بیلن
آغیرسیز مېن ایته ی سیزگه، مبتلا بۉلدیم عشققه
چاره سیز قربان بۉله ی، عشق نی بېلدیم سیز بیلن
25
گل یوزلی کۉریلسه یوره ک، بو صولت دولتیدن
آینه لی حالیم اوندن دیر، بو لطف کرامتیدن
اېرمه یدی عقلیم سِریگه، اېریشسه عشققه یېتر
باده عشقدن ایچگنیم، مهر و محبتیدن
بۉلسه باده طوبی یانیده، کېلسه آنگلم یاردن
بېرسه اذن ایچسم باده، او لحظه رحمتیدن
بۉلگنیم مېنیمدن دیر، عشققه توشکن بو جنون
گللردن یانسیگن او، بو هنر اهلیتیدن
کېچتی زمان ایسکی همان، کېلدی نوبت بیزگه
لیلی دن کبر کېلسه ـ ده، بو عشق نیتیدن
توشمه جانیم باشقه خیالگه، بۉلمسه چشم سیه سی
اخترگین کېلسین دېب دیدار، بلکه کېلر خلوتیدن
26
دام تشله گن زلفی دیر، کافر و مسلمانگه
سحِرلردن توله او، توشکن او داستانگه
جمالی توته قویاش، یاققن جان نی عشق بو دېب
غمزه دن حدیثلری، توکیلگن هر بیر خانگه
ایکّی نرگس (کۉز) جان یاققن، هنری شوخ ایشلری
جان عاشقدن آلگنلر، درد بېریب استخوانگه
قاره کۉزلرگه تحسین، اۉلدیرگن یانگه باقسه
ایستگ نی قیمت ساتکن، بېرمه ی نظر ناتوانگه
تعجبلی عشق علمی بو، جادوسیز سِردن توله
ایلنگن یېتمیش مرته، بارسه یېتی جهانگه
ایتمه جانیم او ظالم دیر، قوپارگن جان و دل نی
قیلگننی عشق یۉلیدن، اینگن او هر زبانگه
بۉلمگین غافل لحظه، باقمه ی لعل لبیگه
لب آچکن نی هنر دیر، جان بېرگن اۉلگن جانگه
27
کۉرسنگ دل ویران نی، ییغله یدی جاندن قان او
یۉلینگگه توشکن بو دل، ییغیدن پریشان او
سوداچی کۉزلرینگدن، لعللی دوداغلرینگدن
غم میگون ایچکن من، جام ده کی اۉزدن قان او
کېلمه دی طلوع قویاش، اینسه کوییم اوستیگه
گونش سیز مونده ی گونشدن، مینگ دفعه دل ویران او
کېلگن فرهاددن حدیث، حکایه سی شیریندن
هجرلی طرُه سی بار، بو عشققه فدا جان او
یوره ک ایستر که آلسه، بیر حدیث یار جاندن
جاناندن کېلگن ذره، جانیمگه او جانان او
ایلنسین باده جاملر، ایچیم ایچیم اې ساقی
جانیم جانیگه قربان، ایکّی نرگس خاقان او
28
عیب له مه، میکده ـ ده، بۉلگنی مېنیم اینیم
مېن او قوش من، توشکن عشققه آیینیم
گر که چنگ هر صبام، تیتره تمگن حالیم نی
آه دلیمدن اشوله، اشوله او کیینیم
نه سلطانگه گدادن، اینمس مېندن بو بۉیین
یالغیزچه دوست توپراققه، اینیلگن بۉلگن مېنیم
مسجد و میخانه لر، تک بیر یۉلگه توشکنلر
دوستدن الهام گر که کېلسه، او یۉلگه بۉلگن قونیم
نې تاپه سن بیر جنوندن، عشق بۉلسه اېگه سی؟
عشق دیر جنون اېگه سی، گاه اونگه گاه بونیم
ایکّی یۉل اېگه سی او، دوستنی کۉرسنگ هوش بیلن
تقدیریم اوندن کېلسه، نېگه گناه گه مېنیم؟
قوشمه جانیم هر گله نی، بۉلسه ازل قۉلیده
تشله سه میخانه یۉلگه، نېگه گناه او دینیم؟
29
ایکّی نرگس بیلن کۉرسنگ، کۉرگنینگ دینیم دیر
اۉزیمگه اۉزه ل یشم، عشقیم اوچون آیینیم دیر
مېن که دل آتشیدن، قینه دیم می خوم کبی
کۉکده سن آی یولدوز، قان ایچکنیم چینیم دیر
جلوه نی بېرگن کرشمنگ، یخشی سوداگر بۉلیب
حسددیم یوره کدن چیققن، یالغیزچه او مېنیم دیر
اۉپکه گه توشمه نگاریم، توتدیم ایری دین دېیب
ایکّی نرگسلرگه توشکن، عشقینگدن تحسینیم دیر
بېلگی و بیریکیم نی، عشقینگ اۉرگتتی مېنگه
حسدلر کۉپ گر که بۉلسه، آتش ـ ده اۉز اینیم دیر
واعظ لی هر بیر نصیحت، یانسیگن نورینگدن او
نې بۉلر بیر لطف قیسنگ، اینیلگن بۉینیم دیر
ایتمه سن جانیم دېسنگ، بو کعبه کیمنینگ مالی؟
گل و نسرین و طریقت، همه سی میهنیم دیر
30
سحرنینگ کۉز یاشی سی، شبنم بۉلیب توشدی
نشه بېردی چمن گه، مرهم بۉلیب توشدی
مرهم لی آی جمالیم، آقشام سحر یاتمه دیم
فراقینگدن انار گل، باشگه غم بۉلیب توشدی
گل زلفینگ نرگسینگ دام، باشقه سیز هردم مدام
آیدین بۉلگن هر کونلر، مېنگه کم بۉلیب توشدی
داغیم لاله گللر دېک، کۉنگلیمده لکه سی ایلک
سینه مده قاره لکه، یامان بم بۉلیب توشدی
یاش توکه من دردلردن، امیدسیز امیدلردن
وای ناله م باش کوتردی، یاشیم نم بۉلیب توشدی
چاره سیز ناله نگ نیمه؟ جانیم سن قیلسنگ نیمه؟
آنگیم باشیمدن کېتکن، دم سیز دم بۉلیب توشدی
31
خیالینگ اېپ گیزه دی، کېچه لرده کرامت
قۉنگن لبیمگه اسمینگ، ایشی بۉلگن امامت
تیتره گن سۉزلریمده، سِحرلی عشقینگ یاتکن
قره شینگ تېرن اورگن، بۉلگن او حال قیامت
یشیریب کۉز گیزدیریب، تېگمه سین کۉز دېب ایتتیم
یاسین اۉقیب توکدیم، کېلسین دېیب سلامت
بو دنیا بار بۉلگینچه، عشق قصه بیزدن بۉلسین
حصه حصه داستانی، بیزدن بۉلسین علامت
اینیلگن بۉلدی روحیم، بو قامت گه بو روحیم
حیات ایشیلتی سیگه، عارض بۉلگن بو قامت
32
کېلتیر ساقی باده نی، آچتی نگار یوزی نی
بو مرته اینمس پرده، بېردی بو گل سۉزی نی
یاقتی آی عشق پرست او، اوچقون اوچرگن شمع نی
خلوتچی لرگه قۉیدی، داغ داغدن توزی نی
اېله دی کرشمه نی، شر شر ساتیچی
یسه قۉییچی لرگه، بېردی آنگلم دوزی نی
بیر رب گه که او قوُل دیر، نېگه ایکّی اۉچ بۉلسین؟
بختی زلف افشاندن دیر، رند کۉرستکن اۉزی نی
حر یشه ماق اولا کن، دم سیز دمگه سوررلر
بوری گه رنگلر اوریب، بیررلر جان قوزی نی
کېلتیر ساقی باده نی، حُسنی نی او ساتیچی
حر یشه ماغی اوچون، باقمس آش نینگ توزی نی
یېتی گنبد تگیده، حر سېسی اوندن چیققن
ایسکی گېله نکلرگه، اورگن آنگلم کۉزی نی
می ایچسین نشه بۉلسین، بو جان نگارنی کۉریب
حر یشه ماغی اوچون، فدا قیلسین اۉزی نی
33
لطف قیلگین ساقی مېنگه، بیر لحظه نشه کېلسین
گلبیز گۉزل یاریمگه، عاشق راغ قیلیب ایلسین
هر کېچه غملریمگه، یانسیگن آیدینلیگی
یېل ایستیریب بهاردن، غم نی روحیمدن سیلسین
کویدیرگن او کول قیلیب، باشدن تازه یره تکن
بولاق که عشق بلاسی، باده سرخوشیم قیلسین
تیکن سیز بیر قوُلی من، عشق دېگن فلاکتده
ایچه من ساقی کېلتیر، عقلیم آنگی نی بیلسین
چاره سیز دیر بو جانم، هجر سورگن دیر یاریم
ایچمه سم چاره م یۉق دیر، قۉیگین که مېنی تیلسین
34
عشق ایزلی گلبیز بهار! درد نی بیلمه دی کۉنگیل
سېندن باشقه هر گل نی، کۉزگه ایلمه دی کۉنگیل
حُسنینگدن خیال اېلهب، بېره ی کۉنگیل گه نفس
عیسا دملی نفسدن، یۉلگه کېلمه دی کۉنگیل
ترک اېتتی باغ نی اۉزی، اشوله لردن ایتسه
یاش نی آقیرگن کۉنگیل، یاش نی سیلمه دی کۉنگیل
کۉزیمگه جلوه قیلیب، کۉنگیل نی آلسنگ گلیم
سنسیز بیر باشقه گلنی، گلبیز قیلمه دی کۉنگیل
یوزینگ نینگ نظاره سی، مغبچه لی باده چی
باشقه بیر میخانه دن، عشق نی تیلمه دی کۉنگیل
گل ساچکن زمانه ده، گل گل بۉلر ولېکن
تورلی شکر لبلرگه، قاتیلمه دی کۉنگیل
35
قالیچی بۉلمس دنیا، یخشی یامان بو دنیا
وفاسیزلردن باشقه، کۉرستمه یدی آشنا
سینسه هربیر نرسه، سېس چیقررکۉرستیر
اما که یوره ک سینسه، کېلمه یدی بیر توتیا
غربتده انسان توشسه، اویسیز و بختسیز بۉسه
آدیم آتسه هر یېرگه، تاپالمس اونگه دوا
قیرمیزی گلدن بۉگن، می خانه ده بیر کېلین
افسوس قۉل و آیاغی، قیرمیزی سیزلی حنا
کۉرستیشلی دلربا، غرور ناز بیلن یورر
گولگه م اۉنگیمده او دېب، باقمس آرقه گه پنا
اېشیتدیم من واعظ دن، ظالمدن حیا کېتکن
قورقمه یدی او خدادن، هر ظلمی مینگ بیر حیا
یۉلگه توشدیم سۉره دیم، بو یۉل قیسی یۉل دېیب
عشق یۉلی دېب ایتیلر، سۉنگ کۉریلمس انتها
باردیم طبیب یانیده، تبسم بیلن ایتتی
دردینگ بیر عشق دردی دیر، اونگه تاپیلمس کیمیا
جانیم دفتردن اۉقو، دفتر کتابدن اۉقو
مینگ مرته اۉلسه عاشق، هر مرته سی توتیا
36
طنطنه لی خوشلیکدن، کۉردیم بیر گۉزل طناز
ایچه من ساقی کېلتیر، گۉزل گه قرهب بیرآز
آیدینلتکن او گۉزل، انُس اۉیینلی محفل نی
عارفلر رند بۉلگنلر، اۉقیب کۉزلردن راز
گل یوزلی اینجه رازدن، لذت بېرگن او یوزدن
آتکن او عاشق لر نی، اینجه عشقیگه شهباز
یان سویلنسه گرچکلر، کۉزلر ناظر دیر اولر
چاره سیز عاشقلرنی، عشققه آتکن دیر بو ساز
عیب اېمس می یشیرسه؟ آتشلی عشق یره نی
ذاتاً مجنون قیلگن او، قیلمه ی بیراز اعزاز
اوچقون هر کیمدن اوچکن، بیرر یانیگه قۉنگن
نقاب آچیب سویله سین، کیم نی سېور گل باز؟
جانیم گل می بیز تیکن؟ اۉتتی عمر بو اېکن
بیلمه دېک رازلرنی بیز، آلگن بزنی ایاز
37
چیقرسه گل نقاب نی، او زیبا گۉزل یوزدن
پرده توشر قویاشگه، زیبا بۉلگن دوزدن
سانکه ایکّی نرگسی، اۉینه تماق اوچون کېگن
ایکّی دیده مگه سِرنی، اورگن او ایما کۉزدن
او لحظه کۉرگنیمده، قالمه دی آنگ عقلیمده
ثوابسیز بو حالیم نی، کۉردیم بۉلگن سۉزدن
ایتتیم کۉریب فال اۉقو، جانیم اۉرتی نی تۉقی
قۉیدی فیس فیسی سی نی، یېدیم تیاق او یوزدن
بېرگین دېدیم آیم گل، ناب زهردن باده نی
ایچمسم بیر نامرد من، یېتر کولمسه کۉزدن
عشق نیمه دیر؟ او یره، نیچه کونلی وسوسه
تاش و صحرادن اۉتکین، دېدی جنون مرموزدن
جانیم نیمه قیله ی من، چاره سیز آتشده من
باش اېگیلدیم گۉزلگه، کۉرگین سریغلی پوزدن
38
یانسیگن نور جمالدن، قند شکر یۉق می؟ ـ بار
لعل لبی گه قربان، صاحب زر یۉق می؟ ـ بار
ناظر دیر صاحب نظر، گل یوزی سیماسیگه
اۉره لمس می باشگه درد؟ عشقدن بیر سِر یۉق می؟ ـ بار
توکیلگن یاش کۉزلردن، قیرمیزی گل دېک اِلا
بیلمس او اۉز عیبی نی، عیب پرور یۉق می؟ ـ بار
کېتمسه ساحل لبگه، بیله می اېسکن اېیل نی؟
سووکه دینگیزدن بیرر، مونده ی سِحر یۉق می؟ ـ بار
بیر ایکّی توشدی آقشام، سَحرگچه مینگ خیال
توشکن دل اونگه ایته ی، دردلی جگر یۉق می؟ ـ بار
نای له سۉزله دیم درد نی، شور طالع بختیم یامان
راز کېلدی اۉلدی حیات، بارمی رهبر یۉق می؟ ـ بار
جانیم بیلگین سن راز نی، توشمسین پرده ایچدن
ظاهرسیز بیر عاشق من، زاهدسیزلر یۉق می؟ ـ بار
39
عشق یۉلی اینجه یۉل او، بیلمه سنگ چاره یۉق
عشق سیز بۉلسه حیاتینگ، شر شر رخساره یۉق
بېرسنگ تاتلی یوره ک نی، عشق دېگن او بلاگه
ظلمی نی خیرلی دې، داغ داغ میخواره یۉق
عقل کېتر دېب ایتمه، صراحی دن باده قۉی
بیزیم بو توپراقلرده، قوویکان هر کاره یۉق
سۉره نرگس کوزیدن، کیم اۉلدیریر بو جان نی؟
باش اېگیلسه نرگس گه، اخترسیز سیاره یۉق
کۉرسم ناب کۉریشیم له، گۉزل تاتلی گلبیز نی
جان کېلمسه بو جانگه، گونش و ماه پاره یۉق
اینجه اینجه عشققه باق، توره لی ریندلی بیلن
جانیم گنج بو یۉلده او، باقمه سنگ اشاره یۉق
40
ظاهر اۉینه گن زاهد، بو حالدن او خبرسیز
آنگیده نیمه بۉلسه، بیزگه ایلمس حتی ایز
توره دن هر چی کېلسه، باش اوستی بو درویشگه
صراطده توشکن بیز، اېپ ایشلریمیز تیز
نیمه بار یوکسکده کۉکده؟ سالقوم سالقوم یولدوزلر
آنگسیز معما نی بیلمس، عبرتلی شعورانگیز
نیازسیزلیک شنیده، او خانینگ حکمتی او
تدبیردن برچه سی تام، بۉله مس کیمسه پرهیز
جان سن ظاهردن بۉلمه، حق سیز قۉلگه ایلمه
ایچ و تشدن بیر بۉلگین، او زمان سن گلبیز
41
مولام! یوره ک یاققن گل، قیسی اوی نینگ اقبالی؟
تیتره تکن یوره گیم نی، عجیب دیر او شمالی
بیر کۉریشده گۉزل گل، مذهب بۉلدی دین بۉلدی
زلزله قیلدی دل نی، بت پرست او تعالی
لعل لب قرمیزی گل، نرگسی ایری سنبل
زعفران لی بو عشققه، عاشق قیلدی خیالی
عشوه دن دولت ساچر، سعادت کویلک بیچر
ایمالی قاره کۉزدن، حلال دیر کمالی
شاهین دیر فسون آتسه، غمزه دن دل نی تاتسه
یۉلدن ظالم چیقرگن، یازلمسین وبالی
جانیم چاره م نیمه دیر؟ توشکن بۉلسم بیر گلگه
ظاهرلی اۉیینیم یۉق، کېلسین حقدن وصالی
42
ناله قیلگین اې بلبل، هنر اگر که یاردن
ایکّی عاشق میز یۉلده، فایده میز بو کرداردن
هر یېرده که یېل اېسکن، قوقو زلفلردن کېگن
نفس نفس دم اورسه ی، اۉینه تیرلر عیاردن
باده کېلتیر جام جام، شر شر اېمس حرام
خضر قیلیق لی اېمس، ساده لی هوشیاردن
خیالنینگ خیاللری، کۉریلمس هر بیر خامدن
یالغیز بیر گناه بۉلسه، ایچه میز لب یاردن
لطیفه لی قصه لر، زاهد هنردن کېلر
بیزکه ساده می پرست، گناه میز بو بازاردن
حُسن جمال اخترسنگ، کۉرمی سن زلف و خالدن
مینگ نقطه لی بیر راز بار، کېلر بیزگه دلداردن
آلمه یدی قلندرلر، یریم بوغدایده اطلس
چونکه عیارلر کییم، هنری بۉلگن عاردن
سِحرلی کرشمه نی، رویاده کۉرسه ی کېره ک
اولر عیار اخلاق لی، چاره سیز بو مداردن
جانیم ایکّی عاشق بیز، قویه میز عشقدن بیر ایز
نه زاهد ظاهرلی بیز، ساده لی ایری باردن
43
بیر لطف بیلن اې ساقی، بېرگین باده لی جام نی
عقل گه باده بېریب، سوره ی دردلی ایام نی
بۉلمسین جامسیز بو قۉل، بۉلسین رند لی یۉل
رندلی زاهد قیلیقدن، کۉرمه دیم یخشی شام نی
سوکه دیلرایچکن دېب، تۉرت بیش باش نی آچکن دېب
اولردن ایشیتمه دیم، نیچه تۉغری کلام نی
آه چېکه من یوره کدن، آلاو بیچه من درد دن
کویگن بیتکن انسانلی، بیلمه دیم بو حرام نی
محرم بۉلگین حققه، یغیلسین کهنه یققه
ساقی سېنگه ایته من، کۉرگین بو غلام نی
اطلسلی کییم بیلن، یشیریله می عرش دن؟
خضر نقابلیلردن، کۉرمه دیم تۉغری کام نی
ایندی بویور ایتکین سن، چاره سیز بو احوالده
ایچمه سم نیمه قیله ی، اېشیت بو پیام نی
44
زیبا صنم لقبی، هواسی بیلن گۉزل
نازلهنیب قره شلری، ایماسی بیلن گۉزل
حیا آققن جمالدن، تېنگریچه بو احوالدن
صداقتلی وفادن، وفاسی بیلن گۉزل
اری سیز شیرین بال او، اینجه گۉزل بیر تال او
حیا او سیما سیده، حیاسی بیلن گۉزل
صومعه، دیر دن چیقریب، میکده گه او آتر
عجب سِحرلی دنیا، دنیاسی بیلن گۉزل
او غنچه گل صهبادن، اوچتی هوشم آنگدن
او کۉپ چرایلی زیبا، زیباسی بیلن گۉزل
تیتره تکن او جهان نی، هر نفس جاندن جان نی
او که یالغیز بیر رویا، رویاسی بیلن گۉزل
45
باشقه سی یخشی بارمی سیویشماق و باغ و بهاردن؟
بیکله مه کېلتیر ساقی، قیرمیزی گل اناردن
کېلسه سرخوشلی هر آن، اونی بیلسه ی ارمغان
سِرلی وقوف بار می؟ بیلسه ی سۉنگی روزگاردن
عمر نی بیر توگیم بیل، زلف سیه ساچیگگه
درد یېمه شراب سیز سن، سېویشه ی لی بو باردن
معنا نیمه روزگاردن، روضه و خانقاه دن؟
میخانه سیز عشق بۉسه، گل بۉلمگن گلزاردن
بلبل و گل ایکّاوی، بیر تقدیردن قسمتدن
دل که عشوه گه بېرسه ی، ایشیمیز اختیاردن
ایچکری ده کی سِر نی، کیم بیله دی اې فلک!
دعواچی بۉلگن بۉلسه، نیردن بیله دی کاردن؟
سهو بۉلگن خطالردن، کېتمسین اعتباریم
سېن که بخشش اېگه سی، رحم اېله گین وقاردن
46
من می پرست بو شنیم، مستلیگیم ازلدن دیر
بلبللی شیرین سۉزلی، بو ایشیم اولدن دیر
بېرسه لر غمدن زهر، قیلیب مېنی دربدر
ینه مستلیگیم باشده، بو خویم عجملدن دیر
گولگه اوچون بار قویاش، بیر اوییه گه یات قویاش
دعوت اېته ی گلیم نی، آرزو کسلدن دیر
ییغله گن برچه داشلر، پیشمه گن خام دیر آشلر
اجل لی بو حیاتده، اۉلیمم جهلدن دیر
47
قنچه هنر کۉرستسم، ایتکن نی ادب سیزلی
تیل نی ایلنتیرمسم، باققنی حیابیزلی
پری قالبده بیر یوز، حُسن جمال ایری سۉز
توککین یوره ک دېیه دی، گل گل، گلدن ایزلی
بۉلمیکن تورلی گللر، تیکنسیز بۉلسه گللر
ادبسیز دېب ایقرر، بو حالیم چاره سیزلی
بلبل قفس دن اوچسه، او پیت بهار دیر بیلسه
یوره ککه توگلگن گپ، شور بۉلگن اچّیق تیزلی
سۉره منگلر حالیمدن، آققن یاشیم بو حالدن
یوره گیم نی بوغگن او، گل رللی ظالم ایزلی
48
گل قوقو اېسکن جانان، برچه جاندن یخشیراق
نازله نیب غمزه ساچکن، شان شاندن یخشیراق
بېله دی خیالگه او، جام می ایچکین دېیه
صومعه دن می گه بېردی، زعفراندن یخشیراق
هر پیتیمده اېس ده او، آچیلگن گل مثالی
بال دوداغدن بېرسه او، ارغواندن یخشیراق
یوباره ی ایزیدن ایس، بیر اذن یازولرگه
یازه من قان له یازو، جان جاندن یخشیراق
آقشامیم سحرگه او، سحریم اۉیلاو بیلن
عشققه اینیلگن بو جان، جان جهاندن یخشیراق
اېله سین نظرگه او، قالمگن مست تنده
دل دېوانه افسانه، گل ستاندن یخشراق
باققین جانیم سن گلیم، گل گلستاندن او گل
عرش جاندن ایسته گن، هر یاندن یخشیراق
49
بیر قره سنگ انسانگه، فقیرلیکدن نانی یۉق
قارنی تۉق ظالملرنینگ، حسابله سنگ سانی یۉق
بو فانی بو دنیاده، اخلاق حرص گه اینیلگن
ضرر کۉرگن کیشیلر، بیر امیددن جانی یۉق
کۉپلر اویلر ییقیلدی، یاندی سۉندی کول بۉلدی
بدبخت لیک نی کۉرمه گن، ظالملرنینگ قانی یۉق
زرلی سیمالی زاهد، ایسکی اخلاقدن چیققن
توره دېگن بو دېیر، بعضیلرگه شانی یۉق
نې دېسک بو احوالگه، یۉلدن چیققن بو حالگه؟
قنچه دادنی اورسک ـ ده، بهارسیز خزانی یۉق
ییغله اې جان باشدن سن، کۉرمگین اوباشدن سن
انساندن چیله قاچکن، سانکی امتحانی یۉق
50
کۉز کۉرمه دی جمال نی، ینه مینگ بیر رقیب بار
طنطنه لی آوازه، هر یېرده عندلیب بار
کۉرمه دیم کوییده من، بۉلسه بیر نیچه فقیر
ساچکن هر کیم طلا نی، بای بۉلگن عجایب بار
عشق بۉلسه اۉزی دېیر، خانقاه دن او اکبر
مونچه بایلر ایچیده، مېن بۉلگن بیرغریب بار
صومعه یا که مسجددن، مینگ دعوا قیلسم اگر
میخانه دن زنگینلر، حُسنی اوچون طبیب بار
بولر می تیکن سیز گل، محبت کېلسه سنبل؟
مېنکه بیر غریب بۉگن، بو سِر ده بیر کاتب بار
جانیم فریاد اېتمه گین، قاعده لردن قاچمه گین
حُسنی نی که کۉرمه دیم، آوازه دن رقیب بار
51
سلاملر عشق پیکرگه، کېلتیرسه دوستدن سلام
جان فدا ذره سیگه، اونگه یاقوت لعل فام
بو شیدا بو غزلخوان، قوُل من دېب دامیده بو
طوطی بو بلبل سخن، کۉرگنی نفسیدن دام
توشکن من عشقی اوچون، بیر نفس دام دوستگه
زلف و نرگسی مرام، کون صبادن آقشام
باش اۉتکن مستلیککه بو، ایچمه دن دوست قۉلیدن
عشق که بلبل گه قفس، ایچه ی من باده لی جام
بس دېمه ی شوقی بو شرح، باده ناب صراحیدن
درد باشگه توشکن بو، صراحی دوستدن مدام
بېرسه ذره وصال نی، کۉزگه توته ی توتیا
ذره توپراغی شرف، معاشرتی گلاندام
قاچیشی ایری آو دیر، مېن که اونینگ قۉلیده
آوچی که ذاتاً اۉزی، بادارلیگی صبح شام
جان سېن توشتینک هوسگه، درمانسیز بیر آتشگه
داملر سوولردن دینگیز، بۉلگنی بۉلگنی کام
52
تخت ایلنمه ی بختیم مېنگه، بیر سعادت ایلمه دی
نرگس بیلن قره مه دی، یۉلیمگه قتیلمه دی
آچیق آرا بو دردیمدن، بیان اېله ی مېن اونگه
یاردن حسرت کېلدی اۉزی، کېلمه دی یار کېلمه دی
فلک غمدن قیلدی مېنی، کۉز یاش بیلن غمخانه
بېگانه او بۉلدی مېنگه، کۉز یاشیم نی سیلمه دی
نظر آتسم هر یانیمگه، خیالیمده اۉزی بار
یانگن دلگه توشدیم اوندن، بیرمرته او بیلمه دی
یوبارگن من نامه لر نی، قه یرمیش او یوبارمیش
یازمه دی او بیر نامه نی، یامانلیک نی تیلمه دی
ماضی میزده برچه گپلر، خاطره لر خاطره
ماضی میزگه باقمه دی یار، کېلمه دی یار کېلمه دی
شاه صنم او دلگه بۉلگن، اۉرگیله ی مېن اۉرگیله ی
بو دل نی او بیلمه دی یار، بیلمه دی یار بیلمه دی
درد یېمه گین عشق اېکن بو، جان جانیم او جاناندن
جانگه جانان گل یوزی او، نفس رحم قیلمه دی
53
اگر اۉتسنگ کویدن سن، مشک و عنبرنی کېتیر
یېل اېسگن گۉزل بهار، خوشبو عطرنی کېتیر
جانگه جان بۉلسین بو جانیم، شکرانه قیلیب بېره ی
هر ذره توپراغیدن، قیمتلی زر نی کېتیر
تیله نچی بیر تمنا بو، بیر عشوه دن شادلیک
اویقیوسیز کېچه لریم دیر، اوندن اثر نی کېتیر
اینجه بو یوره گیم دیر، یوپراق مثال تیتره گن
حسرتگه اینگن دلیم، عشقدن بیر سِر نی کېتیر
جان جانیم ییغله مگین، باد صبا کېلتیرر
اې اېسگن سن نوبهار سن، یاردن نظر نی کېتیر
54
گل سووی له یازیلیب، بیر نامه کېلسه دوستدن
مینگ جان بو جانگه کېلر، لطفی له ایلسه دوستدن
خوش کۉریلگن بیر هوا، اېسه دی جمالیدن
وقارلی داستان بۉلر، گرچک بیلیلسه دوستدن
دل بېرگنلیک حیاسیز، بۉلگن دردگه دواسیز
نقد بېره من علاج نی، نثار قتیلسه دوستدن
گیزسه ایلنسه قمر، گونش بۉلگن گل گل گه
بیر دنیا عشقدن بیتر، بیر نظر ایلسه دوستدن
فتنه گر باد صبا، قوپارسه نشه گلدن
کېلتیریب یارگه بېرسه، چهلچراغ بیلسه دوستدن
55
گناه لی بیری بۉلدیم، کېلگن بو لطف جنابدن
دل ایستگی بیر امید، بېرسه نبیذ نابدن
بیلدیم که گناهلی من، نشه هر پیت عشقدن
هوشسیز بۉلیب ایچکن من، پری یوزلی گلابدن
چاره نیمه ایتسین او، گللرگه رشک بېرگن او
آلگن نور نی کۉزلردن، بېرمه ی آبرو نابدن
ظلم بو دېب ییغله دیم، هجر بېریلگن او دېب
هرکیم کۉردی اوزیلدی، عجب بو خرابدن
بیر جوهرلی تاووش نی، توکمه دی گل آغزیدن
گناه لر گه باتکن دېب، بېرمه دی او خطابدن
باقماق گۉزلگه صواب، هر ذره سی ناب آب
هر یېردن اونگه باقدیم، گناه م بۉلسه بو بابدن
توشدیم عجایب رل گه، خیاللی بیر بولوت گه
دامله دامله قۉیدی او، خیاللردن کتابدن
اینگن تیلدن غزلیم، وصف گلرخ ساقی گه
عیسی نفس مثاللی، قره شلری حسابدن
قوقله جانیم زلفیدن، باد صبا یایسه هر پیت
او که عرش دنیاده، کۉرگین سن بو کبابدن
56
محراب شکل قاشلرینگ، سېوگی سن ایله سن می؟
باده دن خوم قینه گن، عشق اوچون کېله سن می؟
لحظه لر یشمیمده، سېومه دینگ نگار بۉلیب
هجرینگندن شر شر نی، حکمدار قیله سن می؟
دېرسن که یاش اینجوسی، کۉزینگدن نېگه آقمس؟
کبیرینگدن کۉرمه میش سن، آنگینگ له بیله سن می؟
شب باده لی شبنم سن، آقتینگ خیالگه عشقدن
بیر قوش بۉلیب بو عشققه، بیر غزل کېله سن می؟
عشققه تېنگریچه بۉلیب، تیتره تی هر قره شینگ
دل آتشدن قینه گن، جان دلدن تیله سن می؟
الله نظریدن، بیلسنگ عشق بویوک دولت
اۉینه مه ی نظرگه سن، یۉلگه قتیله سن می؟
57
قیزیل دوداغلی گل گل، گلبیز او مېنیم یاریم
سووسه گن قانگه لبی، قیرمیزی گل اناریم
کۉرستکن قانلی لبی، مست یوره کدن اۉینه تیب
جان قانیمدن لعلیگه، فدا بۉلسین باریم
اۉیلمه ی قانلی لبی، قان توککن جنون دلی
تاتی بار هر عذاب نی، قۉیسه قاعده نگاریم
سووسه گن تاتلی لبی، جلوه جلوه جان فدا
عشققه باغلنگن جنون، خان خان عیاریم
سخی جلوه لهب کېلسه، یوره ککه عشقدن اورسه
چیرایلی او هر گلدن، جلوه سیدن خماریم
میکده دېگن یېر گه، آلیب بارسم مېن او نی
رواقلی عشقدن قرهب، مست بۉلسه افکاریم
تۉیمس او تک بیر قاندن، جلوه سی او جهاندن
دام قۉیگن دامگه آتکن، رند بۉگن خریداریم
58
تۉیمه گن باده ایچکن، عاشقی نینگ قانیدن
یاپکن اۉزی نی جانان، جانگه اوریب شانیدن
نیره بارسم جامده، کولیمسه لهب باده ده
ایچمه دن من کۉز آتسم، نشه بېرر جانیدن
گاه کۉرسم گل ایچیدن، بېرر او مشک عنبر
گاه او می خانه ده او، آتش ساچیب کانیدن
دشت و تاغ له اۉره شیب، باقسم من هر یاندن
ظالم یاریم کۉز قیپر، خیالیم نینگ آنیدن
لیلی گه مجنون بۉگن، قیس رلی گه تشله گن
گاه هوشلی گاهی هوش سیز، مجنون قیلگن شانیدن
59
صبرسیزلر اېپ اینیلگن اۉپکه قۉلگه
حسابله مه ی گپیرسه توشر چۉلگه
قالمس اۉپکه کیشیده صبر بۉلسه
یامان خوی نی بېریب توشر معقولگه
حق نی بیلگن گپیرسه یالغان آتمس
ایکّی یوزلی اینیلیر او اصولگه
علم بیلیم اۉز نی او تنیماق دیر
تنیمگن توشر قاپقره کولگه
جانیم صبرلی بۉگین نفسینگدن سن
گلباغچه گلگه بارر تۉغری یۉلگه
60
گلباغچه دن باقمه سنگ، بیلمی سن اۉز چۉلینگ نی
گلسیز حیاتینگ بۉلسه، بیلمی سن اۉز یۉلینگ نی
حسابله مه ی گپیرسنگ، اینیلگن سن اینیلگن
اۉپکه گه تسلیم بۉلسنگ، بیلمی سن اۉز کولینگ نی
ایکّی تیل لی هر کیشی، حق نی بیلمس بیلگین سن
تۉغری گه سن توشمه سنگ، بیلمی سن سا سۉلینگ نی
قیرمه دوست قلبی نی سن، بیلگین که استاسی یۉق
کۉنگیل گل نی سۉلدیرسنگ، بیلمی سن اۉز قۉلینگ نی
دشمنگه دوستدن گپیر، کۉرسین سېنی او سېندن
معنی سیز ماده بولسنگ، تاپمی سن اۉز یۉلینگ نی
جانیم عشققه قوُل بۉگین، نه قوروققه قوروق تال
عشقسیز یوره گینگ بۉلسه، بیلمی سن اصولینگ نی
61
گلباغچه نی بیلمگن، نیردن بیلسین گلی نی؟
گلسیز حیاتی بۉلسه، بیلمس غزل تیلی نی؟
حسابله مه ی گپیرگن، توشکن هر پیت اینیلگن
اۉپکه که تسلیم آلسه، بیلمس حرص آکلی نی
ایکّی تیل لی هر کیشی، توشمس حق نینگ یۉلیگه
تۉغری سیز هر بیر کیشی، بیلمس باطل لی نی
قیرمه دوست قلبی نی سن، بیلسنگ سن استاسی یۉق
کۉنگیل گل نی سۉلدیرگن، بیلمس اۉز مشکلی نی
دشمن نی ـ ده دوست دېگن، اېپ دوستلردن بحث اېتکین
معنی سیز هر بیر ماده، بیله مس کاهلی نی
جانیم عشققه قوُل بۉگین، قوروق تالگه بۉلمگین
عشقسیز یوره کلر بیلمس، قیمتلی حاصلی نی
62
ظالم بۉلگن نَفس دیر، یۉلگه قۉییر انساننی
تسلیم آلسه بوغازدن، توکر قیرمیزی قاننی
صبر زنگینلیک جوهر، هرکیمده بۉلمس گوهر
کېره ک او سعادتگه، بو گوهر بیرسه کاننی
تۉغری بۉلگن هر انسان، هر یېرده تۉغری آتر
عقلدن بایی بۉلسه، یېریندن آتر شاننی
هر ظالم نینگ ایشیدن، قالمس قۉلیگه بیر کار
هر آه نینگ زمانی بار، تېنگری بېرر زماننی
63
بو حیات نینگ معنی سی، بلبل بیلن گل اېمیش
ماده گه معنی بېرسه ی، بۉلمگن مشکل اېمیش
اۉنلر کتاب اۉقیدیم، اونچه ـ ده تحصیل قیلدیم
برچه سی نی بیر قیلسم، عقلیم اېپ غافل اېمیش
تیل گر معنی سیز بۉلسه، ماده گه او یاپیشسه
او پیت آنگ باشگه کېلمس، قوروگن باطل اېمیش
آنه قرنیدن کېلدېک، کفن له اونگه کېتیک
بیلدېک که یالغانلرنینگ، اېگه سی ـ ده تیل اېمیش
کۉپ مال حرامسیز بۉلمس، کۉپ لاف یالغانسیز بۉلمس
دنیانینگ عین گۉزه لی، تیکن لی بیر گل اېمیش
یوریدیم یانیب یانیب، عشقدن قانیب قانیب
زحمتلرنینگ سۉنگیچی، قیمتلی کامل اېمیش
64
یوریدیم اۉز یۉلیمدن، کېچه گه کندوز قتتیم
عبرت نی باشگه آلیب، فردا گه امروز قتتیم
تاج سیز بیر باشیم بیلن، کۉرمه دیم زنگین نی تۉق
آچ نی ـ ده آچ کۉرمه دیم، تۉقساندن من یوز قتتیم
درگاه نگگه مېن سیغیندیم، محتاج اېتمه بو دعام
مرد و نامردگه اېتمه، بو دعاگه توز قتتیم
تیلدن بیر سۉز که چیقسه، یالغیز قلاق تۉییه دی
قلبدن تشقری بېردیم، هر یانگه من سۉز قتتیم
تۉغری بۉلگن هر سۉزنی، کائنات اېشیته دی
آچیق ـ چاچیق سۉزلرگه، ایری بۉلگن دوز قتتیم
65
کون آدمی بۉلمه گین، او بیر کونلیک دیر اۉتر
حقدن اوزاغلشتریب، قیمتسیزلیککه توتر
حقیقتگه بېل باغله، یۉلیگه دل نی یاغله
حقیقت سیز بیر یشم، اعتبارینگ نی یوتر
الله یۉلیگه بولسنگ، اېپ قلبلرگه دقت اېت
سیندیرمه گین قلبلرنی، الله اوچون کوتر
یخشی دوست بیر آینه او، حق اوچون آمده او
سیچیمینگ یانگلیش بۉلسه، پیسلیک پیسلیک نی توتر
66
سۉره دیلر سن کیم سن، دېدیم من بیر غزل خوان
اۉلیب تیریلگنلردن، قبول قیلسه یلر انسان
ایکّی نفس اۉرته سی، سرخوش لیگیمدن باشقه
برچه بایلگیم بۉلگن، بیلسه یلر بیر پیشیمان
قوروق آغاچ بۉلگن من، آتشگه من توشکن من
سوو نی کۉرگن پیتلرده، توشه دی جگرگه قان
بهار کېلسه نیمه او، کېلیب ایلسه نیمه او؟
بهارنینگ اۉرته سیده، بۉلگن من یالغیز خزان
سۉره دیلر ایتکین سن، نېگه سن قارهمسال سن؟
ایتتیم یومروق اورگنلر، بیر قاچاق سن دېب افغان
تلفن گه ساریلدیلر، الو الو پلیس دېب
قاچاق بیر افغان بورده، کېلیلر آلیلر جان
نیچه لحظه ده کېلدی، قهرمان تورک پلیسی
قنی نیرده قاچاق دېب، آلدیلر جانیمدن قان
مرکزگه آلیب باریب، آتتیلر نظاره گه
سۉرمه دیلر سن کیم سن جن می سن یا که انسان؟
مینگ شکنجه بېردیلر، بو دوستلیکنینگ حقی دېب
مینگ ییللی بو دوستلیکنی، یېرگه اوردیلر او آن
نه قانوندن آنگ کېلدی، نه کېله جک اوچون شان
پوپولیست سیاستدن، عقللر بۉلدی ویران
67
تیلدن اول یوره ک نی، مینگ کره تربیه قیل
مېنیم دېگن عقلینگگه، بو حقیقت نی ایل
تیلدن چیققن هر سۉزینگ، یوره کدن او بیرگلبیز
تربیه سیز یوره کدن، آبروینگ توکیلر سیل
یوز بۉله من دېمه گین، تۉقسان ـ ده بۉلسنگ یېتر
تېنگری یۉلیگه توشیب، کۉرستکین شمایل
بیر من بار من دېمه گین، سنسیز بۉلسنگده بۉلر
قوُلیک نی قبول قیلیب، حقیقت گه کېل
هر آدیمده یانگلیش بار، بو بیر انسان دنیاسی
درس چیقریب یانگلیشدن، تۉغری گه قتیل
جانیم سېنگه ایته من، خطاسیز دوست اخترمه
خطانی قبول قیلیب، درسدن پند نی بیل
68
ادب لی بۉلگن کیشی، ادبیدن جیم تورور
ادبسیز قرشی سیگه، تبسم له اولتورور
مېنیم هنریم دېیب، کۉرسهتیر ادبسیزلر
کیمیا نی اینجه له مه ی، آبرو گه تیاق اورور
ایکین نینگ گۉزلیگی، تخمی نینگ جنسیدن او
انسانینگ مقامیگه، تیلی اعتبار سورور
سوونینگ تېگی دریاده، تاشلر ایچنده اینجو
یانگلیشلر آره سیدن، یخشی ایشلر بویورور
یانگلشلردن قورقمه گین، درس نی اولردن آلگین
جانیم سېنگه ایته من، بۉلمسه یشم تورور
69
سېوگی گلگه اۉخشه یدی، جانگه قوقو بېره دی
روح گه محبت بېریب، قلبلرگه گل تیره دی
سېوگنلرگه گل بېرینگ، بۉلمسه کولیب بېرینگ
یشم نینگ داروسی او، روح دن قیغو قیره دی
شکایت اېتمنگ جانلر، یامان عادت دیر خانلر
تحمل گلباغچه دیر، یاماندن قه یره دی
بېلگن بیز نی بیله دی، بیلمه گن لاف سوقه دی
بیلمه گن هر بیر کیشی، جاهلیککه کیره دی
بای بیریلسه بیر عمر، آنلی بیر غفلت یېتر
او غفلتدن او پیت جان، افسوس نی کیدیره دی
70
بوش بوش سېس نی چیقرگن، هر یانگه جنایت او
قرغه نینگ قاغ- قوغی، پسلیککه نهایت او
هر لافگه سۉز دېمه، اېگه سیگه یوز دېمه
سوسکینلیک نینگ دېیری، انسانگه هدایت او
بلبل نینگ گۉزل سېسی، گل قوقونی یانسیتیر
گل نینگ قۉینیگه هر پیت، یاتکنی بیر آیت او
اچّیق توشکن پیتلرده، عجله بیر ایش قیمه
ساکن عقل تېنگریدن، بېریلگن عنایت او
اۉیلمه کېتسه کېتسین، هر کیم قۉیبېرسه کېتسین
تېنگری سېنگه یېته دی، بۉلگنی حمایت او
71
اې اوستون عقللی ذات، مېنی مېنگه قۉیبېرمه
نفسیمگه مېنی سوریب، یامان او یۉلگه بېرمه
مېنی مېندن کۉپ بیلگن، هر ذره نی یره تکن
مېنیم ایکسیکلیگیمدن، آنگ نی عقلدن تیرمه
نصیب قیلیب خوش قیلمه، اۉتیتکن هوسلردن
خیرلی سی بۉلمسه، او تامانگه قه یرمه
سِرلر یوره کده قالر، مرادلر بیر بیر کېلر
لاابالی آغیزدن، خلق ایچیگه بېرمه
تخم توپراققه توشسه، او بغریدن کوکریر
مېنی محبتینگدن، علم سیز قیلیب قیرمه
72
یپراقسیز قالدیم دېیه، گوده دن باز کېچمه
بهارینگ نی اونوتیب، قیش سوویدن ایچمه
هر قیشنینگ بهاری بار، اۉز زمانده او گلزار
امیدنی قۉلدن بېریب، قاره بخت نی بیچمه
وقتی کېلگن ایشینگنی، یرته گه سن قۉیمگین
بلکی یرته بۉلمی سن، ساووق هوا نی سیچمه
عقلینگگه سن عقل نی، یامغیر دامله سی ایندیر
یومشاق سۉز بۉلمسه، کلفت سۉزلردن بیچمه
اینجه اینجه سۉزلرنی، هر بیر عقل خوش کۉرگن
یامغیر کبی سۉزلردن، حیاتینگده باز کېچمه
73
محتسبگه رخ بېردی، بیلمه ی یوروگن سرخوش
ایتتی اونگه محتسب، ماشالله ایچگن سن نوش
اېشیتتی محتسبدن، گناه اوستیگه توشکن
سۉره دی نیمه گناه؟ ایتکین بۉلگن سن اې خوش
ایتتی یورو باره ی لی، قاضی نینگ درباریگه
جواب بېردی سرخوش، اۉخله گن بلکه بې هوش
ایتتی ایل حاکم سرای، یقین محله ده او
ایتتی نیردن بیله سن، اوسیز می، سفره لر بوش؟
حاضر جواب سرخوشدن، محتسب قیغولندی
ایتتی بیراز گینه بېر، یاغمسین یامغیرلی دوش
ایتتی ایچکن شرابیم، او لطف بیر خضردن دیر
جیبلریم که سیزلردن، او اوچون هر زمان بوش
74
مطلوع بۉلماق بیر حق دیر، بو حیاتده او یک دیر
اۉزگه آلیب او حق نی، خلققه بېرسه ملک دیر
یره شه دی هر کیمگه، سېوگی دېگن او دېیر
سېوگیگه یوره ک بېرگن، یشمده او چیچیک دیر
دنیاده گۉزل کۉپدیر، همده اۉزه لی کۉپدیر
تېنگریدن ایسته گی میز، خیرلی سی کېره ک دیر
اۉزیلمه گین جانیم سن، ضیق بۉلمه گین خانم سن
تۉغری یۉللر قازنگن، بو حقیقت گرچک دیر
تیلیم نی قلم قیلدیم، کۉز یاشیم نی موره کف
نتیجه دن«می» چیقدی، شوربۉلمگن نمک دیر
75
هر کیم نینگ آله ایشی، اۉزیگه خاص آهنگ دیر
بو دنیاده بار بۉلگن، تېنگریدن رنگ رنگ دیر
مېن نیمه ایتسم ایته ی، بیلگنینگدن آله سن
چونکه آدم اولادی، رنگ رنگ بیر چنگ دیر
تیل بیلن قلب دېگن ذات، ایکّی پارچه انساندن
یا گل کۉرستکن اونی، یا تیکنلی بیر بنگ دیر
اوریب توککن ایشلرده، تیل نینگ هنری بار دیر
عقلدن اوزاقلشسه، او بیر کیره کسیز سنگ دیر
هر سۉز که سن سۉیله سنگ، تاووشلرگه تاقیلمه
یېتر که عشقدن سۉیله، یشم اوچون فرهنگ دیر
76
دوست دوست دېگن هر کیمگه، ایشانمه دل و جاندن
دۉندن عقل آلمه سنگ، اینگن چوروکلر خاندن
بلبل که گلگه بارسه، قرغه پیسلیککه بارر
برچه دنیانینگ سِری، هدیه او خاقاندن
ایکّی ایت نینگ دوستلیگی، بیر پارچه اېت آتکینچه
رواسیز بۉلگن جنگلر، قان توکه ی دېگن قاندن
بۉلمس دېگن هر بیر سۉز، بیر کۉرسنگ بۉلیب بېرر
توپراق دېک سېس سیز بۉلسنگ، سېس اینر آسماندن
قنچه بایلیگینگ بۉلسه، بیر انسانچه یېه سن
اگر که حرص گه توشسنگ، جان بېره سن جاناندن
77
عقل دوست و دشمن او، بو فانی بو دنیاده
بیلمسنگ حالینگ یامان، بو بۉلگن بو هواده
بېلگی او بویوک کۉچ او، آنگ بیلسه عقللی او
بېلگی سیز بۉلگن عقل، پارچه تاش او دریاده
عقلینگ قولینگده بۉلسه، حکمینگ باشیگه ایلسه
سېنینگ اوچون او دوست او، هر پیت هر سوداده
قۉلینگدن بېریب اونی، اگر که تسلیم بۉلسنگ
باشقه گه قوُل بۉله دی، زهر او پیت بقاده
78
هر نَفس گل آدیم بیلن، تاپر هر یېردن علم
کېتمس یانگلیش معبدگه، اۉپر اونی جام جم
علمدن او ایچمه سه، صراحی لهب عرفان نی
خانقاه یا مسجددن، تاپالمس باغ ارم
هر کیم دو عالم رمز نی، علم بیلن اۉقیسه
معنی دن عطر آلیب، کۉرمس هرگز کۉز نم
ایچمه سه صراحی لهب، سرهوش بېلگی نی آلیب
عقل سیز او اۉینه سه، تاپالمس تقدیرگه دم
بېلگی سیز عبادتلر، کیمگه عرفان نی بېرگن؟
عادتدن باریب کېلسه، تقدیری اونگه الم
علم سیز بیر کله گه، شیخ که نظر تشله سه
بیلر حقدن یۉل نی او، حق عرفاندن محترم
79
قره ساقی کۉزلریمدن، من مست شراب من
بېرمه دیم وقت ضایعه گه، که من بیر توته ناب من
بنده گه بخت طالع، میکده کوی دن کېگن
بېلگی سیز خانقاه گه، باش اوریلسه بیتاب من
باده جاملی عرفاندن، ایچمه سم بختیم یامان
تواب قیلیب ایلنسم، معنی سیز بیر مضراب من
ایچمه سم عرفانلردن، صهبالشتیریب شراب
عادتدن یاتیب تورسم، بو حالدن من خراب من
بېلگی سیز هر بیر کله، هر بیر شی نی بیله دی
بو بۉلگن آدملردن، روحیم بیلن بیتاب من
تیپه دی حق اېگه سی، عرفاندن می ایچمه سه
خانقاه گه کیرمه دن، می ایچیشیگه باب من
80
می ایچمسه عرفاندن، برچه بېلگی نی بیلر
برچه معبد نی آلیب، عقلیگه قوُل قیلر
بیر ایکّی لاف سۉیله سنگ، تۉرت کتابگه کافر سن
جنت نی قۉلگه آلیب، صاحب نی دوست بیلر
اینگن او اۉز عقلیگه، چیقمه یدی عقللرگه
قودوق ایچیدن قرهب، او دنیاگه قتیلر
طاعت عبادت نی، بیله دی اۉز عقلیدن
اۉز دنیاسیدن کۉریب، آق نی قاره گه ایلر
اگر تولسه وطنینگ، بو تور بېلگی بیلگندن
چاره سیز سن قاچه سن، بۉلمسه درد کېلر
81
غنچه دن گل نی آچیب، کېلگین سن اوزاغلردن
قوقو یایب بهار دېک، بوستان و باغلردن
آچیلمگن غنچه گل، اۉخشه گن سن عشققه
جان یره قان داملتکین، اینیب کېل تاغلردن
پارله گن آی کۉکده، ایشیله گن سوو یېرده
یانسیگن عشق اولردن، شمع سن چراغلردن
حیرت اورگن باشیمگه، عشق پیشکن آشیمگه
سِر دیر بو قلبیم ده کی، سنجی سی داغلردن
82
کېلیب کۉرگین غمیندن من کسل من
سېسسیز توشکن عشق اوچون بیر غزل من
آقشاملردن سحرگچه ییغلی من
تورمه یدی یاش بو کۉزلرگه اجل من
نفسسیز من باده بېرگین آچیله ی
ماه پری گه چاره سیز بیر زحل من
ظلم و ستم اېلمه گین بو قوُلگه
بلبل بۉلسنگ قیسقه عمرلی گل من
بۉی بوکتیم من زار بۉلدیم کېلسنگ دېیب
نفسیمگه گل بۉگین سېنگه قوُل من
83
حُسن زیبانگ هر کېچه مده بیر خیال
رویالرگه سالگنلیگی تاتلی بال
رویالرگه هوش نی بېریب تازه لهب
غزل بۉلگنیم رویاده عجیب حال
هر تاووشنی خیالینگ بیلن یازسم
مصرع بۉلیب او بیت بۉلیب او حلال
بیاض کویلگینگ ایپکدن عشقدن
آی دن یانسیمه بۉلگن سن بو کمال
کۉکسینگگه بیر اوییه آچکین مېن کېله ی
رویالرینگگه قوُل بۉلدیم بو اقبال
سووسیز بۉلدیم غرق بۉله ی من تنینگگه
خیال بۉلیب رویا بۉله ی تاتلی بال
84
خواهله گن من ایپک کویلک کیدیرسم من او یارگه
آینه نما گل یوزی نی کۉرستسه او خمارگه
غنچه غنچه دوداغلردن سیپیلسه برچه آنگلم
شیرین بۉلگن کولگیدن، گل گل کېلسه بو زارگه
سحرگچه آه سیز کېچه بۉلسه او جمالیدن
سېسسیزلیک نی اۉلدیرسه او کسل بۉلگن بیمارگه
قاشی نینگ محرابیدن اینسه مېنگه عشوه لر
کماندن تیر اوریلسه، عشوه بۉلیب بیدارگه
آچیلگن رعنا نرگس، حسرت سووی کۉزیمدن
قۉیگن لاله گلیدن، داغ داغ نی بو یارگه
85
تار بۉگن دل جفانگ بیلن، وفاسیز سن وفانگ بیلن
آغریتکن دردلرگه توشدیم، بو تارلیگیم سودانگ بیلن
آتشگه سن توتیشتیردینگ، دردلی حالگه یاپیشتیردینگ
قرمیزی گللی سوداگه، تشله دینگ سن ادانگ بیلن
اچّیق قیلمه امیدیم نی، قند بیاض شکریم نی
دبدبه مست دوا سن، علاج بیگین دوانگ بیلن
سنبل ونرگس سن اۉزینگ، یولدوز و آی یم سن اۉزینگ
عشوه بېریب قره مه گن، بېریلگن حال عطانگ بیلن
اویقونی کۉزدن آلدینگ سن، اوقیسیز بیر قوُل قیلدینگ سن
جانیمگه سن صفا بېرگین، صفالی او هوانگ بیلن
86
عشقلی هوسگه توشدیم، جانیم نی بېرمه ی توریب
باده نی باشگه آلدیم، عقل نی قیرمه ی توریب
بیر سنبل نرگس کۉزلی، قلبیمگه کیریب باردی
گل گل دېگن باشقه قیز، کۉنگلومگه کیرمه ی توریب
زلف ایسی نیلوفر او، باده مگه روح بېردی او
اېسکن اونگه یېل بۉلدیم، یوز نی قه یرمه ی توریب
شمع و کله بیک مثال، بیر حکایه یره تتیم
پروانه بۉلدیم اونگه، غمم نی تیرمه ی توریب
بیلدیم که قېین اېکن، دل بېرسنگ نازنینگه
کوتماققه او باغلیکن، سۉری نی بېرمه ی توریب
87
اۉینه ینگلر اۉینه ینگلر که بیزلر بهار بیز
که عشقدن کېتمه ی میز که عشققه خمار بیز
بو توپراق بو توپراق بو باغ تمیز و ساغ
گل ایکیب گل ایکیب بو عشققه بیز زار بیز
بیز مست میز بیز مست میز بیر پادشاه خاقان بیز
کېلینگلر کېلینگلر بو تۉپراققه گلزار بیز
بیلمه یمیز بیلمه یمیز تۉن کېچه نیمه ایچتیک؟
بو عشقدن بو کندوز نشه لی بیمار بیز
سۉرمنگر سۉرمنگلر حالیمیز، نی حالده؟
بیزلر که اوپرست بو عشققه بیز بار بیز
سیزلر که بیلمگن بو عشقدن ایچمگن
قه یېردن بیله سیز که بیزلر خمار بیز
ایندیرسین برکت او یاریم بو عشقدن
باشیمیز بوکیلگن او یارگه که یار بیز
88
اویغن اې شاخه گل، کۉرگین که بهار کېلدی
بلبللر کېلیب قۉنسین، کۉرسنگ گل نار کېلدی
بو عشق نینگ چاغی بو، یېل اېسکن باغی بو
دالغه دالغه گل هوا، موسمدن وقار کېلدی
پری مثاللی زلفی، سنبل و نیلوفرنینگ
یېل سازیگه اۉینه گن، نرگس گه یار کېلدی
بۉلگن دبدبه حالی، غزل ساچکن او بالی
گل قۉینیده اۉخله گن، گلگه گرفتار کېلدی
بو هواده باره ی لی، باغدن گللر تیره ی لی
سیز که بو دل نینگ گلی، بیزگه بهار کېلدی
89
جانگه قیمتلی جان سن، بو جانگه بیر جانان سن
آنگلم لی سن معنالی، روخ گل و زعفران سن
کېتسنگ سن من سیز کېتمه، بو جانگه هجر ایلمه
سن دیده کۉز یاشیمگه، گلبیز و ارغوان سن
یېتی سودا بیر بۉلسه، یېتی دریا بیر آقسه
ینه روح گه سن دلبر، بو روح گه ارمغان سن
هر نظر اینسه سېندن، کفرسیز ایمان مېندن
آیدین یولدوزلی گلیم، بو عشققه داستان سن
سنسیز سېن مېنی قیلمه، اویقوسیزلیککه ایلمه
قارانغی سیز بیر سحر، گلباغچه لی ریحان سن
90
بیلمه دیم من بو دنیاده مهمان اېکن گل
بلبل بۉلگن دلرباده مهمان اېکن گل
دشت صحراگه چیقدیم گل کۉره ی دېیب
کوی و دشت هر صحراده مهمان اېکن گل
زلفیدن عطر آقیریب نازله نیب توریب
عشق یره تکن سوداده مهمان اېکن گل
قیسقه عمری بیلن او گل بیر کتابلی درس
درس بېره ی دېگن صباده مهمان اېکن گل
بو حیات نینگ اۉرته سیده گل بۉلگن انسان
انسان اوچون ماجراده مهمان اېکن گل
91
دام زلفیگه آو بۉلدیم، توشدی دل توتساق دل
اۉلدیرسین یا بۉلدیرسین، اۉره لگن باشگه خجل
بو مراد دیر اېله سه، رحم و وفا نی دلگه
خیرلی بیر کېچه ده، بۉلسین فقیرگه سنبل
بت کۉریب بۉیین بوکدیم، آتشلی شمع نوریگه
کله بیک بۉلدیم اونگه، عشققه توشیب بیدل
قره دیم نرگس کۉزگه، زخم گه بیرا بیر او
لب آچیلگن غنچه دن، شیرین شربتلی بیتول
عطارچی قوقو بېرگن، یره تکن او بازارنی
او بازارگه قربان من، چونکه نیکولی جمیل
92
گلبیزدن گل یانسیگن، آینه لی بو خانه گه
تیبره سیز بخت نی بېرگن، بو دل ویرانه گه
نشه بېرتکن باده، شیشه جامدن یانسیسه
او مثال بۉلگن بختگه، یانسیگن کاشانه گه
ایلان لی تیلدن یوره ک، قاووریلگن هر لحظه ده
زهر یېمکی یېیب، غم بۉلگن دیوانه گه
قوزغلمه ی بیر کیشی، قۉلیگه توتساق توشسه
آقر کۉزلریدن یاش، بو ایلاندن لانه گه
حُسن گل آی دن آلیب، ایچیرگن زهر نی او
علاج سیز بیر تانگ بۉلگن، ایسته گن هر خانه گه
93
کۉردی دل یانسیگن او، یار نوری بۉلگن عیان
توشگن او پیاله گه، عقلگه اوندن تابان
اۉیله گن نشه سی نی، بلکه بو سِردن دېیب
ایچسه می ایچمسه می؟ بو سِرگه دلی حیران
بیلمگن ایتکن اۉزگه، نیچه سِر پیمانه سیز
بیلمگن آو مثالی، غملی دلیدن چندان
گل نی بیلمس تۉغریدن، سِحرلی قوشدن باشقه
چونته سیز آنگ گه توشسه، کۉز یاشی بولر فغان
عرضه نی جهاندن من، یوره ک دردیدن ایتسم
ایچمهسم نوریدن می، بختسیز عقللی یامان
بیر نفس باره ی گلگه، عیسا دم بلبل بۉلیب
حس ایتکن عشقدن راز نی، باش اوریب او یان بویان
بیلمگن هر کیمده درد، داروسی اۉزی بیلن
تۉن چېچک عطرگه باق، بۉلگن دامله سی او قان
94
هر یانده تورلی گللر، پیاله گلاندامده
گل گل بۉلگن بو گلگه، غلام بۉلدیم دامده
ایتینگلر شمع یانمسین، ایشسیز بۉلگن کېچه ده
آی لی او جمال یوزی، گلبیز سحر آقشامده
حلال جامیدن ایچماق، اگر که عشق مذهب
گل اندام سیز کېچه ده، حلال بۉلگن حرامده
توشکن چونته لی عقل، نای و چنگ نغمه گه
دو دیده یار لبی ده، قۉل ده کی باده جامده
گللر بېرمسین قوقو، بو کېچه بو حرم ده
آققن قوقو زلفیدن، باشلنغیچ ایامده
یولدوز آی یاروغیدن، اینگن آیدنلی یاروغ
پیاله می دن کۉردیم، گل یوزی عقل کامده
95
عطر گلدن یایلگن، گلستاندن یار خوش
گل خوش بلبل خوش، گلیدن گلزار خوش
ایرته چیقسه صحراگه، روح بدن مست مست
شیشه جامدن باده رنگ، شرلی او شرار خوش
چیققن گل نقابیدن، غنچه سیدن آچیلگن
بلبل غزلدن گللر، یوره ک لی گلنار خوش
قوش سېسی نی ایشیتماق، عشق جامیدن ایچماق
عشققه توشکن هر یوره ک، یار خوش نگار خوش
هر لحظه بېرگن شراب، گل گل بۉلگن میخانه
ایکّی عالم کیفیدن، مقدس غفار خوش
آز عالم ایچیده، اۉز عقلی نی بیلسه او
رند شیوه لی عالمدن، عقلی مکار خوش
96
بغر گلده بلبل مثالی، گر یشیرسم بو کېره ک
حسیم نی ایمان قیلیب، بلکی بېرسم بو کېره ک
ایسته گیم بلکه او خام، لیک قصه عشقدن
شمع پروانه مثالی، اگر کیرسم بو کېره ک
هر کېچه قدر کېچه، دامله یدی کۉزلردن یاش
یولدوزلی هر کېچه ده، یاش تیرسم بو کېره ک
وجدانلی شرف هوس، اینگن کپریکلریمدن
کۉز اوستیگه توپراغی، من پذیرسم بو کېره ک
معنی دن ماده بۉلدیم، یورودیم وه ی وه ی دېیب
معنی گه جان نی بېریب، بلکی بېرسم بو کېره ک
97
اگر باده ساتوچی، اۉز ایشیدن خوش خوش
اشوله سیز اۉرته مده، الف بیدن بوش بوش
اۉیین آیاقلرینگ له، صراحی سیز بۉلسه چنگ
عقلینگ بیلن باده ایچ، بو عقلگه توش توش
پیاله می نی یشیر، رمال سِحر یوزیدن
عقل سوودن ایچمه سنگ، بای بېره سن هوش هوش
هر دیده کۉز سوویدن، اۉز زمانینگ نی یووگین
بیلمسنگ سِرلرینگنی، بوش ایشلرینگ بوش بوش
اې دل ایچمه گین یالغیز، هر زمانده عیانسیز
همتینگ باش بۉلمسه، کېلمس کونینگ خوش خوش
98
چیرایلی زلفلرینگنی شمال هر یانگه آتکن
قوقو یاییب اولردن عشققه بیر بیر ساتکن
جیم حرفیگه اۉخشه تکن حلقه حلقه زلفینگنی
دامدن بلا توزتیب عاشققه عشق قاتکن
افسونلی کۉزلرینگدن هنر یانسیتکن او سِر
چیرایلی غمزه سیدن تات لرنی آلیب تاتکن
غنچه گل آچیلمگن کولیمسمه گن لبدن
قۉل نی دعاگه آچیب یخشی فال نی سوقاتکن
99
اۉتتیم او کون معنی دن، ماده گه بۉلدیم من یۉز
او بو یوز اېمس اېدیم، یکه اۉزیم بیلن اۉز
ایتیلر او سن بو سن، یوکله دیلر یوک یوک
انسان سن دېب آلدیلر، قالمه دی انساندن توز
یېتمیش ایکّی تعریف نی، انسان سن دېب بېردیلر
انسان نی ایچدن قیریب، بېرمه ی معنی لی بیر دوز
معنی سیز بۉلدیم ماده، ایلنگن عقل داد ده
حق قیسی ناحق قیسی کۉرمه دیم من بیر یهوز
سن نیمه اِېتینگ یاریم، اۉزدن تشقری آتیب
بیر غوغانینگ ایچینده، قیمتسیز بۉلدیم من بوز
ایچمه دن سرخوش بۉلدیم، صراحی سیز بیر خمر
یالغیز من انسان دېسم، یوز دفعه اوررلر سۉز
ایکّی نّفس ایچینده، بیر نمایش بار اېکن
آتی او حیات اېکن، اوندن بیررلر دوز
بیر جام می بېرگین، صراحی لهب درگاه دن
یالغیز بو یۉلیم بۉلسین، نفسسیز ایری بیر اۉز
100
محبتی نگ بۉلمسه، قالمس کندوزدن نور
قارانغی حیاتیمگه، بیریلمس بال زنبور
وداع کیلگن زمانده، آقر یاشیم کۉزیمدن
وصال نی هیچگه ساتمه، بۉلسین ایکّی بخت جور
روحیم سېن بیلن کېتکن، ایکّی دیده یاش آققن
گلسیز شوره زارلردن، لطف قیلیب مېنی سن کۉر
آنگله دیم دېیریم نی، مېنی من سېن له بیلدیم
منسیز اگر که کېتسنگ، بخت تقدیردن بولر شور
زیبا دوداغلرینگدن، یشمگه معنی بېردیم
معنی لی یشم اوچون، لطف قیلیب سېوگیگه تور
یوز غزل
11,01,2024
اوکتای اسلان قلمیدن (راه سوم)